Video
9-min walk from Exit B, Kowloon Bay MTR Station
continue reading
Opening Hours
Mon - Tue
08:00 - 22:00
Wed
Closed
Thu - Sun
08:00 - 22:00
Above information is for reference only. Please check details with the restaurant.
Recommended Dishes
老闆落漏單，呆等半個鐘幫襯左好多次，冇諗過愈做愈差夜晚過黎食飯，唔洗等位本以為可以快快食飯之後返屋企執嘢，茶記通常出菜好快架嘛。我地7:20pm到，坐低左好快就叫餸，係老闆幫我地落單。滑蛋蝦仁、菜心炒牛肉、菠蘿雞粒炒飯平時order完都會比張單，呢次冇比我地，我見其他枱都有，我諗冇所謂啦。以為比較簡單既菜好快上，冇諗過要等半個鐘。係呢半個鐘入面，我見到遲過我地黎同遲過我地落order既人已經食緊野，我地好奇怪，以為漏單，問個高高地既妹妹仔，佢話有落既。係呢半個鐘入面，我見到兩張外賣單都做完，有張仲要水蛇春咁長。而我叫啲菜都未上枱，重點係餐廳冇坐滿，等到7:48pm先黎菜心炒牛肉，再等多10分鐘，先上滑蛋蝦仁，見到啲蛋炒得好老，只係食落仲係少少滑。我哋又繼續等碟炒飯，等左5分鐘，見到有碟菠蘿炒飯，以為係我地，原來係第二枱，我地已經餓到飽，等到飽。最後埋單走人話唔要碟炒飯啦。精彩之處係收銀妹妹話冇落到單，老闆係隔離只係講左句好冇誠意既唔好意思，係老闆落漏單架！唔會再幫襯！
continue reading
今次去開得寶，返check下平時晚飯有時都會幫襯的公子茶座。今次叫咗: 彩椒生炒骨 - $80 👍🏻好食! 生炒骨個面仲係脆，唔會話覺得好厚粉，不過個人推介未試過的朋友試咗冰梅骨先醬燒茄子魚柳煲 - $80 👍🏻👍🏻個煲好惹味，之前叫過就咁茄子，呢個感覺上更加多香料，仲有魚食! 同樣地唔會覺得個魚好多粉或者硬，下次會再叫呢個唯一覺得可惜係無餐可以加野飲，要飲品晚市要計正價，叫咗個阿華田雪山，老婆好鍾意但我就唔鍾意飲咁甜🤣同場加映之前去食Lunch叫咗個叉燒通粉餐，同加咗炸單骨雞翼，不過不失，單骨雞翼個人覺得可以重味少少
continue reading
一向都有食開呢間茶座，今次要幫佢地打返個食評先招牌生煎肉餅飯之前食過幾次，差唔多次次都會叫嚟食。肉餅都幾厚同大件，兩邊都煎得非常香，仲幾脆身，唔會肥膩，加上蔥油食好香口，不愧係招牌菜，非常推薦豬扒煎蛋飯配香蔥豉油豬扒明顯地係有炸過再上，有一定厚度，好有咬口。不過有部分肉就略嫌有d韌，但近骨嘅位置配埋少少肥膏，加上脆身嘅皮食落非常惹味鬆脆，再加埋太陽蛋及蔥油送飯真係好正凍檸茶及凍奶茶都好大杯，而且係呢個時代凍飲只係加$3但有咁大杯都真係難得。凍檸茶茶底幾香，唔會澀。星期日午市嚟都要等一等位，但絕對值得等嘅好食茶座
continue reading
今日到此餐廳食下午茶，點了兩個下午茶，員工話2:30才有下午茶，看看個鐘大約2:00，員工話叫我哋坐一陣間先啦！因為媽媽行動不方便，而且天氣很熱，唯有等一陣先至再叫啦！等了－會大約2:05分左右，員工送上2款下午茶，真係超感動，感覺職員好窩心，有時到餐廳食嘢除了食味道之外，還最欣賞餐廳嘅人情味！謝謝你們啊！🥹
continue reading
紅酒繪肉丸 配多士 ＄52肉丸有口感又juicy肉汁☺紅酒醬汁帶有蕃茄風味 酸酸甜甜配脆皮內軟多士 沾醬食 好好味🤩秘製沙嗲牛肉麵 ＄40（轉奶油豬＋＄8）沙嗲汁香中帶甜 淡淡花生香 🥜麵條爽彈又夠香掛汁效果佳😋牛肉亦鮮嫩有肉味🐮🍜奶油豬 外層香脆 內裡鬆軟 烘過的表面塗上牛油及煉奶炒蛋🥚蛋香滑溜溜 無得輸💯🤤一口花生醬西多士配 練奶 ＄40金黃色的外層 內裡夾著花生醬西多士 塗上練奶 香氣十足 一嚟到已經流晒口水一口一邪惡！🤤😈忌廉溝鮮奶 懷舊特色飲品 原祖級既mocktail原枝玉泉忌廉 加 原枝維記鮮奶😆我鍾意先倒入牛奶 再加上汽水🧏🏻♀️🍼🥤如果先倒忌廉梳打後倒牛奶可能會有奶碎 冇咁靚Cold brew +$9低溫萃取咖啡 產生較少 酸感和苦澀感風味更加甘醇 乾淨純粹 冰涼消暑 配甜點 正❗😚凍絲襪奶茶飲落奶味香濃 入口絲滑 👍🏻絕不苦澀 經典至愛❤#公子茶座📍九龍灣牛頭角道3號得寶商場地下H號舖
continue reading