Video
Opening Hours
Today
06:00 - 22:00
Mon - Sun
06:00 - 22:00
Above information is for reference only. Please check details with the restaurant.
咁啱行過經過見到牛油蛋撻出爐香噴噴，而且價錢唔貴，所以決定買嚟試吓價錢係$12/3個～店員姐姐都好快手，見到你望住個蛋撻櫃想買嘅意思已經喺鋪入邊行出嚟問你要咩～講低想要邊隻蛋撻，就入去收銀處搵姐姐俾錢俾完錢行返出嚟已經攞得走～（暫時未體會到其他食評或啲姐姐態度差嘅情況）拎到返屋企就咁食都仲係好香👍隔咗一日食整返熱都好食，不過呢啲烘焙食物當然就即買即食會最好啦相入邊嗰個呢就係隔咗一日第二朝食嘅舖頭入邊仲有葡撻賣添，下次會想試吓～
continue reading
唔知大家有無睇過之前小妹介紹過嘅大大糯米糍🥰 咁啱經過見到佢啲切餅都幾靚所以就買嚟試試～小店嘅切餅總共有六款，分別係朱古力，黑森林，芒果，抹茶，士多啤梨同雜果味😋 每一件足足有三層海綿蛋糕，夾以兩層嘅忌廉同醬或生果🍓 整體來講做得好出色🤪 唔會話過甜（可接受程度）而且個忌廉又滑 creamy🥰 蛋糕都幾鬆軟一啖接一啖停唔到口hehe😋 不得不讚嘅係佢會放張透明紙喺上面防止整污糟個盒👍🏻，亦可以保持到本身蛋糕靚靚嘅賣相😍 🍫 朱古力切餅 $16朱古力愛好者表示超級好食！係四款裏面最推介嘅味道😆 無諗過個朱古力醬咁濃郁而且份量都幾足，真心推薦！😚🥭 芒果切餅 $16芒果就比較一般，正正常常唔會話特別出色但鍾意芒果嘅朋友都不妨試吓～🍵 抹茶切餅 $16抹茶反而無用抹茶醬，而係放咗朱古力脆脆🤔 個人認為如果放抹茶醬的話應該可以同朱古力切餅有得比🤣 可惜了ww🍓 士多啤梨切餅 $16 上面有士多啤梨醬同忌廉😛 酸酸甜甜咁都幾好食！推介指數：🐘🐘🐘🐘佛卡夏餅店🍫 朱古力切餅 $16🥭 芒果切餅 $16🍵 抹茶切餅 $16🍓 士多啤梨切餅 $16 📍 觀塘協和街93-115號建德大樓地下G舖
continue reading
～ 點品．黑森林、士多啤梨同什果切餅 ～🍰 黑森林切餅 👉🏼 朱古力愛好者一定鍾意，上層有朱古力片、碎同醬，食完一件超滯，中間有提子啫喱粒。🍰 士多啤梨切餅 👉🏼 上層有士多啤梨醬同忌廉，中間有士多啤梨肉，成件酸酸甜甜。🍰 雜果切餅 👉🏼 上層係忌廉同白朱古力碎，中間大量白色果肉生果，比較清新。㊙️ 個人評價 👉🏼 每種切餅都有唔同餡料，同埋大大舊都係16蚊，唔錯💸 埋單 👉🏼 ＄64🏡 地址 👉🏼 觀塘協和街93-115號建德大樓地下G舖☕️ 一個人的餐桌 一個人的孤獨 請我飲杯咖啡 瀏覽下網誌 謝謝
continue reading
想試幾隻蛋撻明明我叫位店員出嚟先你幫第二位先都算等你夾完前面嗰盒同你講話我都要3隻酥皮望我一眼直接走？？以為你入去放低盒蛋撻就行出嚟完全唔係囉 直接喺入面收錢咩態度 依家我買唔起你12蚊3隻蛋撻？仲要望我一眼就走 我都走 幾好食都唔幫襯
continue reading
兩星期前喺呢間麵包店門口見到卡通公仔蛋糕做得幾靚之前又食過啲麵包幾好食阿女就快生日 就入去訂蛋糕因為屋企人少 但又想訂個有卡通公仔嘅蛋糕俾小朋友於是就入去問店員姐姐可唔可以要個半磅蛋糕但加個公仔上去 我仲特別問清楚係咪個公仔可以幫我放埋上去蛋糕上面裝飾好店員姐姐仲幫我入去後面餅房問負責嘅師傅我都聽到師傅親口答應話可以幫我放公仔上個蛋糕度裝飾埋不過要另外加收90蚊加工費即係個蛋糕90蚊另外再俾90蚊加工費佢整好埋個公仔我都覺得無問題 於是俾好曬錢 拎埋張訂單就走到今日去拎 店員拎個蛋糕出黎蛋糕同公仔竟然係分開俾我我即刻問點解無放上去個店員一直答唔知 唔係佢負責 佢乜都唔知我就叫佢搵個知嘅人答下我之後叫左另一個店員黎呢個店員就入去餅房問師傅個不負責任嘅師傅竟然大聲嗌出黎同我講「依家係唔會幫你放 你要就要 唔要就算 做壞規矩！」我就話「當時係你地實牙實齒答應我會做到同我講另外加錢做 唔係我做壞你個規矩！我確定你地做到先俾錢訂 唔係我到今日拎蛋糕先強迫你地放個公仔上去！」店員出返黎 再打電話俾原先負責落單嘅店員 都同佢確定左師傅有答應可以做到但個不負責任嘅師傅就一直唔肯負返自己應承左嘅責任 錢佢就照收左！答應左個客可以加錢做到嘅事 客人錢都俾左 竟然最後係一句要就要唔要就算！俾左90蚊加工費 拎左蛋糕返到屋企我仲要拆過曬蛋糕面啲水果自己再砌過個蛋糕！ 一間極度不負責任嘅麵包店！幾好食都好 以後都唔會再幫襯！
continue reading