Video
Payment Methods
Above information is for reference only. Please check details with the restaurant.
曾經深水埗有一間二郎系拉麵叫做混亂拉麵我都係食過一次然後就沒有然後了係近呢一年先再聽到話香港又再有二郎系既拉麵店開幕就係呢間岡山一番店見官方社交平台話一號店係位於岡山市08年開張香港係日本以外既第一家分店第一間舊年座落係樂富睇片見成日都話要排長龍近期係秀茂坪開埋香港第二間分店老婆睇完個白卡youtuber就成日都話好想試終於帶左佢黎由出世到而家都住係觀塘呢個全香港最貧窮既地區但秀茂坪商就真係第一次黎岡山一番站就位於商場三樓餐廳半開放式設計大大個logo都幾易認半開放式座位亦都有bar檯位先知道原來佢地d麵係自家製既樂富有製麵機秀茂坪就唔知有無出面亦都可以自助斟水飲餐牌原來除左本身既二郎系拉麵佢仲有沾麵同撈都提供近期天氣轉涼佢仲有拉麵火鍋除左拉麵店既基本小食樂富店有既關東煮佢都一樣有不過秀茂坪就係QR code落單感覺比較方便飲品係罐裝同汽水機差唔多價位唔洗食完去便利店補飲品近期都好鍾意係拉麵店叫番個飯食下呢度真係主打大份抵食迷你叉燒飯有咁多件叉燒仲有蛋都只係12蚊巨大化魯肉飯feel感覺比拉麵一塊塊d叉燒仲好食食過其他拉麵都知普通湯麵大約係150g沾麵係200g左右有次去三田食都叫做可以挑戰到300g但呢度既特盛係450g即係差唔多平時三倍麵既份量仲有最多可以set四倍既蔬菜結果碗麵上檯果時真係嚇死人係堆到成座山咁高就算侍應比隻碗我都無入手點樣食個沾麵雖然係大盛300g但個碗都係巨型版拍埋落隻手對比一下就可以感受到係幾咁巨型湯麵同沾麵既叉燒同麵條都係一樣唯一唔同係沾麵無跟蛋好似係叉燒兩碟都係跟兩塊厚身既另外都係自家麵既太麵我特別欣賞自己有製麵機既店舖係幾好咬口感唔錯不過我真係知錯啦兩碟加埋成750g唔係人類可以挑戰到既範圍好努力最後係點食都係食唔晒仲有淨兩個麵加迷你飯加飲品埋單係大約二百蚊平均每人一百呢間唔洗加一但其實如果叫中盛200g既話就只係70蚊左右好耐都無係香港見到呢個價位而且麵條仲係自家製雖然QR code落單但侍應服務都唔差都唔會好chur唯一真係秀茂坪係山上面真係幾遠下就算我住觀塘區都係咁話
continue reading
日本過江龍拉麵竟然開喺屋村裡面⁉️ 岡山一番店喺日本岡山市開業至今已經有15年，主打整大份量芽菜山🤣 價格親民最平$59就食到！！今次嚟到秀茂坪開2號店，真喺好開心呀🥰🥰🌱芫荽辛辣拉麵 小盛 150g $794倍芫荽、4倍野菜、少醬油、少油、少蒜蓉；辣度：1辣；麵質：軟（呢幾種都可以自選多/正常/少/無）🍜 4倍芫荽令整碗麵呈現出一種獨特風味🌱 令人垂涎欲滴🤤 裡面仲有4倍野菜(芽菜），整碗麵真喺高到痴線😂 有2大塊叉燒～我揀咗1號辣度（最微辣）湯底濃郁帶有淡淡辛辣香氣，食落比10小辣還要輕盈～拉麵我揀咗軟，所以要等耐少少🤏🏻拉麵粗身又掛汁，好鐘意食呢款，一口芫荽一口芽菜一口麵一齊食好爽😌食完返到屋企都唔會口乾🍱日式燒餃子 3件 $28餃子大大粒，燒得剛剛好～唔會太過焦啊👍🏻👍🏻內餡鮮美濃郁多汁，搭配少少醬油，好開胃！🍜半熟玉子拉麵 小盛150g $634倍野菜、少醬油、無油、無蒜蓉；麵質：軟（呢幾種都可以自選多/正常/少/無）拉麵湯底清爽，流心半熟玉子為整碗拉麵增添了一絲心動感覺，2大塊叉燒喺拉麵嘅靈魂！🍗南蠻炸雞 3件 $28外層香脆炸衣包裹著多汁的雞肉，搭配特製南蠻醬汁用上新鮮蛋白，邪惡又好味！
continue reading
餐廳：岡山一番店 (觀塘)地址：觀塘秀明道101號秀茂坪商場3樓308-309號舖唔知有無人去過秀茂坪，甚至可以問大家有無聽過「觀塘半山區」呢個小屋邨小地方😂，話說我就住喺附近，呢一兩年見到秀茂坪商場進行大裝修，4層嘅商場引入咗唔少新餐廳。雖然呢度唔近地鐵站，亦唔喺遊客區旺區冇乜嘢行，但無論晏晝定夜晚，依家嘅人流確實比以前多咗，好多餐廳喺繁忙時間都會坐滿人，而我諗大部份人都喺喺度住或者喺附近做嘢嘅人岡山一番店原來喺一間由日本岡山縣岡山市開到過嚟香港嘅過江龍拉麵店🍜，喺日本有16年歷史，上年2023年開到嚟香港樂富🇭🇰，而啱啱7月就喺秀茂坪商場開咗第2分店岡山一番店屬於近年人氣旺盛嘅「二郎系拉麵」，特色在於拉麵可以免費加配料⬆️，除咗免費升級2/3/4倍蔬菜量之外，油脂同蒜蓉嘅份量一樣可多可少，加上擁有豐富油脂嘅豚骨醬油湯底同別具特色嘅粗拉麵，絕對啱晒好似我咁嘅大胃王同鍾意重口味嘅人🤪有4款定食同5款拉麵可以揀，而拉麵仲分咗小盛(150g)、中盛(200g)、大盛(300g)同特盛(450g)四種size，當然仲有唔少小食可以追加，例如日式燒餃子、迷你叉燒飯、唐揚/南蠻炸雞等🍗，同埋各款罐裝、盒裝飲品，連札幌罐裝啤酒都有添🍺✝️特盛半熟玉子拉麵(450g) $93叫咗最大size嘅拉麵，揀埋我鍾意嘅醬油濃度同拉麵軟硬度，再加上4倍蔬菜量，個份量完全喺大到媲美得上大胃王比賽嘅size🙈，喺平時拉麵嘅3-4倍，我知我應該唔會食得晒，所以上枱就即刻有啲後悔😂。成座山咁嘅芽菜，下面有滿滿嘅粗拉麵，口感比一般拉麵更爽彈有咬口，另外仲有一隻半熟蛋同兩塊叉燒，美中不足嘅喺叉燒有啲乾身，可能喺我浸湯浸得唔夠耐，同埋食落有少少嚡🤏；濃而不膩又帶有蒜香嘅湯底令人食唔停口，真心呢碗拉麵2-3個人share都未必食得晒🤪，不過記住餐廳有最低消費㗎😉
continue reading
之前有朋友介紹我在觀塘秀茂坪廣場有一間拉麵店性價比極高「岡山一番店」，佢啲麵底重要係自家製的，同埋麵底分左幾個SIZE, 最大SIZE都係一百元頭的拉麵，果大盛份量多都兩個人食一碗都未必食得晒。在香港來講物價極高的地方，而家去茶餐廳食過碟頭飯加埋飲品最平都要5十尾至6十多完的地方，加上而家在香港食碗拉麵都可能要9十幾至100元到，份量重要唔係好大碗架。 半熟玉子拉麵 (大盛)我朋友太高估自己果食量，佢一叫就叫大盛，而大盛果麵底有成400G，一上枱我都比碗麵嚇親，實在超級大碗，而我最愛佢果啲肥嘟嘟的芽菜，係似泰國或馬來西亞品種的芽菜。 温泉蛋叉燒芝士拌麵 (大盛)呢個係沾麵，而我好鐘意佢果麵的粗度比普通拉麵比較粗身令到果麵更加掛汁，將果温泉蛋打散後撈埋啲麵食令到果味道更加升華。
continue reading
超抵食高質拉麵店喺秀茂坪開新分店喇😍！之前食過樂富分店覺得性價比好高，拉麵超大份又好味😋溫泉蛋叉燒芝士拌麵（小盛） $69風味十足😍 麵條煮得恰到好處，滑順有勁，與叉燒的鮮香和芝士的濃郁相結合，醬汁鹹香惹味，形成完美的搭配😍 溫泉蛋的滑嫩質地在攪拌後為整道菜增添了絲滑的口感🤤 配搭嘅芽菜可以任選份量，超大份😆叉燒飯 $28超抵食！叉燒肉質鮮嫩，外皮略帶焦香，搭配特製的醬汁，味道濃郁。飯粒吸收了叉燒的肉汁，每一口都香氣四溢，配埋雞蛋好飽肚～
continue reading