Video
4-min walk from Exit B2, Kwun Tong MTR Station
continue reading
Opening Hours
Mon - Sun
20:00 - 02:00
Above information is for reference only. Please check details with the restaurant.
臨收工屋企人話要食宵夜仲要指明話想食串燒🍡🍢好在記得觀塘成業工業大廈，有間串燒店係收得比較夜小小！可以QR cord 落單，⼀共叫左幾款唔同類的串燒野，滿載而歸！🥬蔬菜類🥒燒韭菜:味道濃，最終要食到索索聲 原條燒有機茄子🍆😊:燒的好軟兼勁多蒜蓉，再配上醬汁加蔥花，味覺燒新鮮菠蘿：陣陣菠蘿香味，唔會太乾，咬落多汁✨這三款是必食之一，每次食串燒都會嗌🤭燒秋葵：第一次食燒秋葵，好入味兼爽口🐔肉類🐷燒雞腎，王牌燒雞中翼，招牌海鹽燒牛舌，香脆燒雞軟骨，有辣同唔辣選擇，全部燒的剛剛好，一點都唔乾👍🐬海鮮類🦐惹味燒魷魚乾（隻）：真係好惹野 ，食完又食配夾醬汁⭕️服務員好有禮貌👍好Nice ⭕️即叫即燒,夠哂野味😋⭕️雖然外賣但都keep到溫度，相信現場食更加美味👍📍觀塘成業街19-21號成業工業大廈5樓13號舖🚇觀塘站B2出口⏰營業時間20:00-02:00
continue reading
今晚好想食串燒，但又想留係屋企煲劇，所以就去咗觀塘嘅一間工廈裡面買串燒外賣。肉類好多，如果有多啲海鮮揀就好喇。另外啲串燒可以自由揀辣度。鹽燒海虎蝦（$28/隻）- 爽口彈牙，加咗辣更惹味。燒翠玉瓜（$15/串）- 燒後勁juicy唔錯燒秋葵（$15/串）- 秋葵咁健康，每次食串燒我都會嗌。因為夠爽口入味。海鹽燒牛舌（$30/串）- 有2舊幾掋食，同燒到個面脆脆地。王牌燒雞中翼（$18/串）- 戰然得2隻，但燒得入味之餘啲雞肉仲好好嫩滑多汁。爽口黑毛豬頸肉（$18/串）- 估唔到呢個有驚喜，好爽口！新疆燒羊架（$55/支） - 呢個有啲貴，但燒得好入味，又唔韌。
continue reading
串燒佬星期六去開觀塘買野 就去左試朋友介紹既串燒店 😋係工廠大廈既樓上舖 地點都方便 地鐵站出左行4分鐘都到！🚇上到去人唔多 地方需小但服務好好！👍🏼Menu上面每個種類都嗌左幾款！海鮮類🐠雞泡魚乾—望落去好似好dry 但食落口係兩回事 燒得好香口 配埋沙律醬係一流 勁好食！蔬菜類🥬燒茄子🍆—每次去食串燒都必嗌！今次都冇失望 勁多蒜蓉 燒得好林 好易夾 又好好味😋另外仲嗌左燒粟米🌽燒菠蘿🍍燒韮菜🥬燒四季豆..麻辣涼拌類🌶拍青瓜同皮蛋既汁係一樣 真係都幾麻辣 份量都算幾多 兩個人食係食唔晒！肉類🥩燒一口牛 燒雞中翼 燒雞軟骨 全部都揀左一條🌶但都辣到我同朋友不停嗌辣 可能我地本身唔係好食得辣 但辣得好過癮 就算辣都繼續食！鍾意食辣既朋友就岩食👍🏼腸丸類🍢嗌左燒司華力腸 燒芝士腸 燒花枝丸 燒芝士腸 全部都好入味 亦都係揀左一條🌶 最欣賞係會連埋肉類既串燒一齊用蠟燭熱盤上 就算影完相 傾住計慢慢食都唔會變凍 所有串燒都即叫即燒！
continue reading
疫情幾個月都冇得揼骨，返工返到攰，於是去左觀塘工業區一間按摩店！按完都成9點左右，就同朋友睇下有冇野食，因為我地都餓啦！行到5樓，見到呢間舖營業中….即刻入左去舖頭唔算好大，裝修簡單，但渗透住日系風，老闆應該都係鍾意日本🇯🇵講返d野食先🥰🥰佢哋全部野都可以揀唔辣或唔同辣度，岩曬唔同既口味,同朋友食完，我仲外賣返去俾屋企人試❤️❤️燒茄子🍆首先茄子係超級大條，佢哋既醬汁完全滲咗入去茄肉到，食落好夠味，唔會齋係面嗰d調味料同肉分開咁…勁推介😋😋燒菠蘿🍍呢個都係我食燒肉平時必叫，因為好開胃，又消滯。估唔到燒烤佬都有，意外驚喜！佢哋既菠蘿係超厚切起初擔心會好酸，點知食落好酸甜，超正👍👍一口牛牛既質感食落好嫩口，肉質一d都唔會鞋口，都好食😋不過如果再燒焦d我會更鍾意❤️牛舌呢個無得頂，相對一口牛，佢燒到岩岩好，黑椒再配合埋少少焦香，咬落肉汁非常juice，好香👍鴨胸呢個都係極度推介👍因為鴨胸燒到外脆內軟，一口咬落去，好似成個口腔充滿油脂香
continue reading
晚市終於開返啦，又好耐無食串燒，因為串燒如果外賣既話始終無堂食咁正。今日去左觀塘成業工業大廈呢間串燒佬食串燒。燒肉又叫啲、蔬菜又叫啲，同朋友吹水慢慢食。串燒我好怕燒到乾爭爭，但呢度唔會呀，掂。有幾個3個辣度同唔辣揀，我全部都試哂少辣。韮菜、四季豆、秋葵、露筍，燒得整理靚仔，啲蔬菜好新鮮，唔會有渣。脆皮雞翼尖好過癮，自己落辣粉，shake兩 shake 食得，雞翼尖又脆又香。肉就叫左川辣雞脾肉、野味燒牛肉、炭燒黑豚肉、皇牌燒雞中翼 、爽口燒豬頸肉同燒爽口牛丸，啲肉全部都好嫩，調味適中，好惹味，好滿意。
continue reading