Video
Opening Hours
Mon - Sun
09:00 - 23:00
Above information is for reference only. Please check details with the restaurant.
Recommended Dishes
呢間係專食湯河嘅餐廳，最出名莫過於係牛腩！呢度嘅牛腩唔似出面嗰啲，重點係冇乜肥膏而多瘦肉，而且分量多仲會提供辣椒油之類嘅調味料，好貼心㗎！同埋啲姐姐都好好人，好熱心服務，推薦推薦！
continue reading
趁着週末長假期天清氣朗，與友人於油塘魔鬼山一遊後路經德田街市。一番體力勞動後被傳來的陣陣香氣吸引，回頭一看見此小店，眼見內外均坐滿街坊食客，餓腸轆轆的我們二話不說決定入內祭五臟廟！店面不大只有數張枱，看似屬家庭經營格局，供應傳統潮州粉麵。貪心的本人點了墨丸牛腩雙拼米粉，分量充足，牛腩香稔不膩，肉味香濃可口；墨丸屬合格水準，喜見米粉為幼細滑的一種，與清湯底配合得天衣無縫 (平常吃粉麵很怕吃到粗靭像鐵線的那種米粉，完全不能吸收湯底) 再配上潮式粉麵傳統作畫龍點睛之芹菜香蔥炸蒜，好吃得令人一口接一口。加配飲品油菜也只索價五十餘元，在現今寸金尺土的香港來說絕對超值。藍田作為街坊住宅區，餐廳多屬實力小店而不賣弄花巧。不用刻意找尋，無心插柳下找到了平凡的味道，也是一種幸福。P.S. 付款之際忍不住向店員表達‘碗粉好好味’，本已禮貌招待的姨姨嘴角泛起更深的笑意連聲道謝。心想這番讚美可算除營業額外對他們的另一種支持和肯定吧。
continue reading
星期日放假，天氣好又陽光普照冇理由白白浪費咗個假期瞓到自然醒就睇下有咩郊野地方去行下山運動下出身汗，今次就由將軍澳輕輕鬆鬆行到去藍田，行完山就四周圍睇下，發掘下唔同地方的隱世食店，今次真係有驚喜由藍田公園直落冇幾遠去到德田商場地下就聞到陣陣牛腩香味，去到尼間坤記麵家小店舖位唔算大加埋舖頭外都係得十幾個坐位，不過人唔多唔駛等位就真接坐低睇下有咩好食，既然係被牛腩香味吸引嚟到就試下D牛腩係咪色、香、味俱全，簡單叫咗個牛腩麵，冇幾耐牛腩麵就送到尼間麵店唔係清湯腩係五香牛腩，牛腩肥瘦適中、入口鬆化，真係有驚喜，辣椒油都唔錯又香又野味可以一試，埋單計數一碗牛腩麵$31真抵食，真係一間唔錯的隱世小店，有機會真係要試下其他嘢~
continue reading
同朋友由藍田商場行到去德田邨，隻腳已經好攰，諗下附近有乜嘢食。睇下附近嘅小店，有泰國嘢、有燒味、有茶餐廳，最尾畀呢間潮州嘅麵店吸引。本身鍾意食魚麵，所以見到有魚麵，即刻叫一碗，湯底幾清唔算好鹹，魚麵彈牙，食到好似 潮州白魚蛋一樣既質感。至於配菜方面，因為我唔食牛嘅關係，又唔想簡單食白魚蛋或者豬，最後我選擇一個少見嘅配搭，簡直令我非常驚喜 ，就係白灼鵝腸。佢可以選腩汁或者沙嗲汁，當然唔食牛既我會選擇沙嗲汁。白灼鵝腸肥嘟嘟，每條非常乾淨，雪白嘅顏色，留低少少脂肪，入口一啲都冇騷味，非常好味，坦白講 我相信淨食白灼鵝腸都已經好滿足，魚麵太大碗，對於下午茶黎講可能有啲飽。佢嘅白灼鵝腸，絕對唔係廉價酒樓嗰啲乾噌噌嘅餓腸「皮」，而係一條條大概手指粗幼、長短非常平均，入口滑捋捋冇蘇味。同個啲攣曬一pat嘢嘅鵝腸皮一啲都唔同。我朋友係牛魔王就叫咗一個腩汁牛腩撈粗，對佢嚟講都幾滿意。但係食到咁上下我發現身邊好多人都同時叫另一個餸菜，令我好有驚喜， 雖然已經飽咗八成，但我都要同店員講，寫一碟淨沙薑雞($50)。 我同朋友討論咗好耐究竟要沙薑雞飯或者麵($42)定係要淨沙薑雞($50)最終決定都係黎一碟淨沙薑雞。雞係滑嘅不過有啲凍，大概例牌嘅size 淋上非常惹味，但我覺得有少少鹹嘅沙薑汁，仲有幾菜墊底，當係小菜一啲都唔失禮。我朋友食咗一嚿，飽到頂唔順，我自己成碟食曬，去埋皮一啲都唔覺肥，一絲絲白色嘅雞肉令我幾回味。下次如果有有心人，由藍田地鐵站經過白田直上德田去，探下呢間小店，記得c試試。座位唔算好多，所以你都要睇住時間，我哋今日去嘅時間係下晝三點鐘，正好冇人，所以都非常鬆動。不過你問我嘅話下次我都想再叫多碟白灼鵝腸。
continue reading
藍田約有五間粉麵店， 最差的是德田 坤記粉麵，相比地鐵站「樂Garden」更惡劣 。 牛腩非常肥，有肉的部分有點韌，非常奇怪！ 沒有再吃下去！粉呢？ 可入口， 只是比較重味精。 我只吃了兩啖米粉，再 沒吃下去。 與其迫自己食垃圾， 不如早點埋單，再另找食店。
continue reading