Video
5-min walk from Exit A1, Yau Ma Tei MTR Station
continue reading
Telephone
63138502
Opening Hours
Today
11:30 - 15:00
18:00 - 21:00
Mon - Sun
11:30 - 15:00
18:00 - 21:00
Above information is for reference only. Please check details with the restaurant.
同朋友睇完戲去旺角食晚飯🍲，行到上海街無意中發現呢一間日本拉麵店🍜咁我們就入去試吓，我叫左個雞白湯柚子麵🍲，湯底清甜，雞亦都好滑，配搭埋柚子麵好清新，非常推介，朋友就叫左個蝦🦐沾麵，蝦🦐湯亦都好濃郁，同本身麵底好夾，份量亦好足夠，最特別係有唔同味道既麵底可以揀，係出面好少見，朋友就揀咗黑椒麵底都非常不錯，期待小店會出更多唔同既湯底，會再同朋友過黎食，呢啲小店值得大大力推介下👍🏻👍🏻
continue reading
話說上星期路過上海街，見到有沾麵，就入去試吓啦。叫咗個黑蒜叉燒同蝦沾麵食，其實彩嘅沾麵嘅湯幾好，湯頭好味夠濃，不過環境真心好嘈，因為舖面唔大，所以有客傾計，即時有震耳欲聾嘅效果，而我有非常好彩遇到一對20出頭嘅情侶，講嘢極奇大聲，我明白食物以外嘅問題，餐廳好難控制，不過咁樣實在會影響成個用餐體驗，餐廳如果可以喺天花加啲散聲嘅物料，或貼啲温馨提示喺坐位或餐檯旁邊提醒客人放輕聲量交談就perfect.
continue reading
呢一間係我第二間試嘅水沾麵。比起第一間，我比較會有個底，知道我將會嘗試到嘅係咩滋味。昆布水沾麵🍜 - 原味豚骨湯 🐖香味 (3/5) - 豚骨嘅香味唔係太明顯，還可以。反而，好清楚聞到荀味，我稍後會再講。湯頭 (豚骨湯沾汁) (3/5) - 豚骨嘅味道唔係太真，似係出前一丁湯粉會食到嘅味。濃稠度同鹹度算係剛好，整體味道係可以。昆布水 (3/5) - 佢聲稱係用北海道產嘅籠目昆布，我完全冇概念係咩類型嘅昆布，作為食客，我覺得味道唔特別，而且昆布水嘅量，唔係你可以用匙羹"筆"起嘅量，食起上來唔夠過癮。麵條 (3.5/5) - 我揀嘅係小麥粉麵，意外地有用全粒粉，煙韌有咬口，麥味唔算特別香但還可以。加埋昆布水，效果都幾好。配料 (4/5) - 跟兩大塊豬叉燒，薄切，不過算切得大塊。肉味濃，幾稔，我認為算做得好。溏心蛋係幾好，生熟度剛好，有流心，味道夠，蛋香夠，而且佢冇預先切定，可以感受埋响口入面爆漿一刻！而且，難得嘅係隻蛋真心夠熱又流心，所以就呢隻蛋嘅完成度近乎滿分💯。荀方面，比較細同幼，口感爽脆。不過，有陣荀臭味，好彩我係唔抗拒呢種味，所以對我來講並冇問題，唔會扣分，仲有少少加分添！沾汁入面有少量白蔥同海苔，增加口感同清爽感覺。值得大力一讚係，食到尾，我問店員有冇得加湯，點解我會咁問，因為食昆布水沾麵，好多店都唔會預你加湯，而係預你將食淨嘅昆布水倒埋落去溝稀，而呢種食法會令個湯過份杰身，我係唔鍾意嘅。結果，店員二話不說就幫我去準備，加湯之後，濃淡度剛好，我將食淨少少麵車埋落去，享受埋拉麵狀態下嘅美味。整體 - 值得小推薦 👍👍👍點解小，因為本身香港好難食到昆布水沾麵，我認為佢捕捉到市場空缺，而性價比係可以，所以都值得試。但因為呢款麵都比較平民級數，唔好 expect 好似中環歌賦街d店咁 premium，真心唔係同級。
continue reading
有沒有人食過 彩 沾麵？大家覺得好唔好食？6-7年前左右聽人說，很好吃。那天星期日晚上6:30左右到，比較少客安靜。Menu一開始看得有點亂，因內頁用湯底分價錢，但頁底用材料分價錢。我研究了好一會兒。順便介紹下「今日Special」-昆布水沾麵叫了蝦味噌湯拉麵麵可選小麥麵或黑胡椒麵。今次選了小麥麵，見到小麥顆粒！幾有口感！蝦湯都香，但不是濃度高那種！好處是不會太鹹，但轉角度來說感覺像拉麵湯底。配料有蘆筍，紫菜，蔥，叉燒。叉燒ok。蛋有流心，ok。另有炸蒜/醋/辣油可加，我加了前2者，也ok。其實有點小失望，不難吃，但6，7年前聽人說很好吃。好吃，但感覺只是一般好吃。
continue reading
留意到彩aya是因她們在西環的分店大受歡迎，聽說都要排一陣隊才能入座。時至今日，她們竟然在旺角區開分店，當然要來試試啦。最基本的有豬骨湯底，但黑蒜油味實在太吸引了所以點了黑蒜油沾麵($88)。落單後聽到廚房立即製作，等了一會店員捧著餐盤把我的沾麵送上。沾麵湯煮得很夠熱，有濃郁撲鼻的香氣令人急不及待要開動。湯底先有一股突出的黑蒜油味，加入大量的炸蒜更添風味，而豬骨湯底的味道會慢慢走出來；因此，黑蒜油跟豬骨湯的味道濃郁吸引，還有香蔥的辛和香氣，沾著沾著拉麵讓人不察覺地一口一口的吃幼身的拉麵以一隻平碟上菜，瀝水的功夫做得很好碟中沒有多餘的水份。拉麵是冷的，沒有特別麥香，沾著熱湯裡溫度平衡得剛好，煙煙韌韌有點咬口個人都幾喜歡，但不喜歡咬口的朋友可能需要餐廳把麵做得淋一點。由於湯底都幾熱，即使把冷麵沾進湯裡也沒有很快地把湯底變凍。沾麵裡面還有一隻蛋，味道都不錯，不過若喜歡吃糖心的朋友就要記得盡早吃或是早一點把雞蛋從湯裡拿出來，以免熱湯不斷把蛋加熱。紫菜上有香港特色的小心機 餐廳環境一般，特別是剛踏進餐廳我就聞到一股渠味，雖然一會兒後就不太擦覺到，離開之前店員跟我說是她們製作竹筍的味道：對於不吃筍的本人來說無疑是奇怪的味道。除此之外，店員的態度殷勤有禮，整個用餐體驗都是舒服的。其實餐廳是位於旺角朗豪坊隔離，但或許餐廳所在的位置偏清靜一點，假日的中午黃金時間客人疏疏落落，我覺得這裡的味道是值得更多支持的。店舖的餐點選擇不多，但下次會試試其他食物
continue reading