Video
4-min walk from Exit D, City One MTR Station
continue reading
Telephone
35802832
Opening Hours
Today
07:00 - 21:00
Mon - Sun
07:00 - 21:00
Above information is for reference only. Please check details with the restaurant.
今日下午茶時間嚟到第一城，就想試吓啲下午茶餐。呢間餐廳我未食過，就嚟試吓。下午茶餐都有唔少選擇，眼花繚亂。我都諗咗陣先諗好食乜。最後，我就要咗米蘭肉醬熱狗餐試吓。呢個餐$29，包杯飲品。不過我轉咗特飲—利賓納啫喱冰，就要另外+$7。米蘭肉醬熱狗味道都唔錯，份量都大。$29仲連飲品真係抵食。利賓納啫喱冰係特飲，套餐要另加$7。啫喱冰味道都唔錯，鍾意利賓納同啫喱嘅都好值得加錢飲。用飲筒吸啫喱嗰種感覺真係好正😄呢個餐加錢轉埋特飲都只係$36，真係好抵食😋
continue reading
入到去坐，自己嘟qr code落單，呢樣唔係問題，但落晒單遞交系統有問題，叫個職員黎幫我落，佢第一句就話唔係我地系統有問題，係你網絡有問題，呢句我忍，跟住佢話你有無熄WiFi，我話出佐黎根本無用WiFi，跟住我比部電話佢再咁多次遞交，佢先睇到遞交唔到，勁唔願意地攞佢部機幫我落，咁嘅服務態度完全不知所謂，離晒大譜！
continue reading
同一位「沙田友」一位「荃灣友」（我就港島友）試呢間晚餐坐咗最埋便嘅卡位裝修同燈光配合，都幾靚，坐得舒服仲見到一列「me-time」吧檯一個人食都唔尷尬7:03 pm手機完成落單7:06 pm 先嚟飲品凍柑桔蜜。椰奶紅豆冰。玄米綠茶啫喱冰我杯係中間嗰杯椰奶紅豆冰，紅豆軟硬適中「沙田友」杯凍柑桔蜜叫咗「少冰」，啲冰冇乜少到😅，但「沙田友」亦冇特別畢走啲冰7:13 pm已經嚟齊晒效率快得驚人，啱晒我呢啲冇耐性又唔餓得嘅人水牛城辣汁烤雞中翼我覺得可以再辣啲（可能我本身好嗜辣，食譚仔係要「特辣」級嗰隻）芝士白汁煙肉焗西蘭花呢個係見到Openrice有好評，所以order秒清，呢個極推介驚喜有 蒜香牛油焗田螺 供應🤓去埋殼，食得方便仲有好好味嘅薯蓉呢個必叫大推蒲燒鰻魚炒珍珠飯呢個係「沙田友」叫，佢讚好味我試咗幾羮，一啲都唔腥亦唔油辣地獄叉燒讚歧拉麵呢個係「荃灣友」嘅選擇我試咗麵，見到叉燒都想試🤤但又唔想「荃灣友」唔夠餸呢個可以再辣啲烤雞茄子百里香忌廉焗珍珠飯呢個係我嘅選擇，份量好足記得上檯時，「沙田友」話：「啲茄子仲可以咁紫，冇變黑」呢個好好好好味但因為我食咗雞翼 西蘭花 田螺 少少拉麵同鰻魚炒飯，我食到一半已經食唔落，其實我哋如邊傾邊食，我應該可以慢慢食得晒，但我覺得監硬食落去，口感會下降，醒起我帶咗保鮮盒，所以。。。我決定帶走食剩嘅，第二日食，一樣咁好味今餐我請，本應點叫都得(唔怕令朋友夾多咗錢），所以勁後悔冇叫多份田螺外賣甜品係可以令女性有第2個胃食完之後再睇吓餐牌有冇甜品先🧐係→冇嘅如果有兩三個甜品，譬如雪糕呀 cheese cake呀就更好但我杯紅豆冰都算係甜品啦嚟之前，「荃灣友」問「呢間有冇啤酒？」，我睇咗Openrice，知道冇，可能申請酒牌比較麻煩同時間耐啦，如果有就更好（我有啲貪心）記得好似8:45pm職員就俾單我，呢間收9:30pm，我話我用Apple pay，職員話：「咁就要出去埋」，咁我俾現金啦，職員肯收😜我唔使出去，啱晒我呢啲「豪華臀」不離座嘅懶人😆之後睇返張單，價錢真係好抵不枉我由港島過嚟食
continue reading
晚飯叫一個意粉外賣，由20:20 等到20:50 都未出一個街坊餐廳當時唔係full，要等半個鐘頭外賣係咩玩法？！堂食都唔會等半個鐘頭啦！仲要出外賣嘅係次序唔順，例如125 出先過123，後面個個出先過我個號碼！咩system黎？！最後20:50追，門口問幾位個個阿姐聽完都唔理，就咁行左去，行去收銀叫收銀阿姐追。追完發現廚房唔係未包出黎，係完全未做！！！完全不知所謂！！即刻退錢，唔想再浪費人生！作為街坊呢世都唔會再浪費時間唔會再幫襯！！
continue reading
同同事喺公司附近食午餐, 揀咗呢間餐廳~食物種類都幾多，不過長期都好多人等位!今次叫咗個安格斯牛扒配飯, 一個蒲燒鰻魚炒珍珠飯同埋一個蛋黃煙肉卡邦尼長通粉! 安格斯牛扒比較細塊, 雖然唔係真係咁靚嘅牛肉, 但唔會好乾, 味道普普通通~鰻魚炒飯，真係炒到粒粒分明~鰻魚份量都唔少, 成個炒飯好香口, 珍珠米好軟糯好好食!卡邦尼長通粉既白汁好重蛋黃味~我用開粉嘅白汁~ 啲汁雖然稀咗少少，但味道都幾好食~餐廳上菜速度都算幾快~ 而且價錢都唔貴, 性價比都幾高!
continue reading