Video
Above information is for reference only. Please check details with the restaurant.
【沙田區】【kaya咖吔】同大家提及過我係沙田友，早排同個朋友喺返沙田做兩日義工，上次我哋就食咗瀝源邨嘅某間老牌餐廳，今次我哋就嚟到新裝修嘅好運中心搵嘢食。但係好可惜，我哋真係唔係好搵到邊間真係好想食，退而求其次之下，就邊間有位食邊間，咁就入咗去呢間喇。就咁講呢間我都好耐冇講過佢哋嘅分店，之前將軍澳嗰篇都成年幾兩年前，所以而家食吓都啱嘅。朋友食咗個 $68 嘅「馬來烤雞配油飯」，加 $3 配熱「手工拉茶」，佢就話都幾一般，本身我都有啲想叫呢個覺得會好食，估唔到朋友只係打出一般嘅評價。我自己就穩穩陣陣叫個 $75 嘅「海南雞飯」，加 $6 飲凍「白咖啡」，畢竟海南雞飯真係好穩陣，我又覺得冇乜嘢。不過又咁講，又真係算唔上好食，平庸之至。埋單仲要收加一，夾埋 $167，你問我有冇下次我真係唔肯定，可能又係呢啲有位就入嘅情況囉。。。（地址：沙田橫壆街1-15號好運中心3樓3008-3009號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：西貢區：1am0814#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #咖吔 #kaya咖吔 #馬來烤雞配油飯 #熱手工拉茶 #海南雞飯 #凍白咖啡 #1am1577 #1ambackup
continue reading
放工喺沙田搵野食見到有間食新加坡菜嘅餐廳叫咖吔又未試過就試一次啦✨海南雞飯🐔上菜時見到雞肉份量好多，有兩層👍🏻而且仲去埋骨雞皮好滑，包住好嫩口同埋好滑嘅雞肉🍗雞肉食落軟熟唔硬冇起絲油飯食落明顯調過味🍚🍚雖然係油飯，但食落唔油膩，粒粒分明而且飯量充足好慷慨湯似係冬瓜湯🍵🥒飲落清甜唔鹹飲完都唔口渴汁有三款有海南雞甜豉油，沙薑，甜酸辣醬🌶️🧄🧂完全感受到餐廳誠意可以俾食客試哂幾個唔同醬汁🤟🏻✨檳城和牛蝦麵🐮🥩🦐碗麵好大碗🍜材料都放哂喺碗面一目了然和牛有三大塊🥩🥩🥩每塊都啖啖肉仲好重牛味蝦食落唔霉🦐唔係預先整定碗內仲有三粒牛丸同埋四件豆卜豆卜好掛湯牛丸食落好重油味🍢似係牛筋丸麵底好均真咁有兩個麵底🍜🍜米粉同埋油渣麵湯底好鮮好重海鮮蝦味飲落唔鹹唔口渴👍🏻✨古法脆皮雞卷🐔🍗🌮雞卷有八件似係即整唔好預製因為食落熱辣辣🔥雞皮好薄好脆食落雞肉好嫩多汁💦💦個雞卷配埋個沙茶醬，少辣🌶️食雞卷點埋個醬真係好夾好惹味🤟🏻餐廳內部闊落牆身裝飾行大自然風侍應好attentive👍🏻對食客親切有禮上菜時會講菜式名稱同埋會好有心咁放喺食客面前👍🏻👍🏻服務一流，加一絕對抵俾🤟🏻
continue reading
餐廳：咖吔 (沙田)地址：沙田橫壆街1-15號好運中心3樓3008-3009號舖咖吔喺香港有4間分店，分別喺屯門、將軍澳、北角同沙田，一睇個名就知佢哋主打新加坡美食🇸🇬，希望將南洋原味道帶到嚟香港，比大家食到性價比高嘅傳統滋味沙田好運中心分店開咗接近一年，以卡位為主嘅設計確實令人覺得坐都坐得特別舒服自在😌，牆身畫上林林總總嘅椰子樹🌴，令人好易聯想起以椰汁為靈魂元素嘅新加坡特色美食——喇沙🍜✝️新加坡喇沙 $56咖吔嘅招牌菜，下午茶嚟講算足料又大碗，加上呢個價位真喺好抵食🤑，喇沙上面鋪滿蝦肉🦐、半隻溏心雞蛋🥚、魚蛋、魚片、豆卜、芽菜同通菜，麵線亦用咗油麵同米粉兩款，令口感層次大大提升⬆️，椰香配上香料同陣陣辛辣香🌶️，唧多少少青檸汁令鮮味更加突出，呢碗喇沙真喺唔可以唔試👍✝️牛油果五色米紙卷 $62健康好食之選，一碟有六件，用透薄嘅煙韌紙米包住牛油果、紅蘿蔔🥕、白蘿蔔、青瓜🥒、紫椰菜五款材料，就咁食確實會好dry，但蘸埋附送嘅芒果汁就可以品嘗到整體嘅清甜鮮香😋✝️馬來芒果汁配芒果雪糕 +$12飲埋呢杯解渴解暑一流嘅芒果特飲🥭，芒果汁加上芒果沙冰🍧，面頭放埋芒果雪糕，富有層次感嘅鮮甜芒果香好難令人抗拒🤤
continue reading
在沙田行行下，想搵間平靚正嘅下午茶食，俾我哋發現一間大件夾抵食嘅馬來西亞餐廳，即刻同大家分享一下。✨串燒拼盤$63✨ （爆推🌟🌟🌟🌟🌟) 估唔到下午茶亦有提供串燒🤩，必須下單🙌🏻。當中包含了雞肉、大蝦和魷魚鬚這三款串燒，款式十分多元化。雞肉咬開帶淺黃色，是調好味道才拎去燒，非常濃味。大蝦蝦肉爽彈，魷魚鬚長嗰支竹籤，食得十分之爽🤣。還附上馬拉風味的辣醬，超級好食，必須推介‼️✨斑斕咖吔多士 $40✨講到馬來西亞嘢食，不得不提咖吔多士😍。整個多士烘得乾脆，邊位有少少爐邊，非常之正。中間夾着甜甜的斑斕咖吔醬，咬落仲有清脆的聲音，極具風味，一流👍🏻。✨檳城蝦麵 $58✨非常大碗，以木盤呈上，一上枱已經香氣十足。內有蝦、豬、豆腐卜、雞蛋，還搭配着通菜及芽菜，十分足料❤️。而且面底是摻摻，一般是黃面，一半是米粉，口感十分豐富。最重要是它的湯底，濃郁而不膩，整體質素很高。✨馬來炒貴刁 $82✨ （爆推🌟🌟🌟🌟🌟) 餐牌上寫着餐廳推介，果然令人喜出望外。顏色搭配令人食慾大增，內有蝦、臘腸、魷魚、韭菜，紅椒等多款配料，賣相十分吸引。炒野始終係最重要係要有鑊氣，這個炒貴刁鑊氣十足，而且不會有油淋淋嘅感覺，乾身入味，的確好食👍🏻👍🏻。柚子西柚梳打特飲（跟餐+$12）由於我是柚子及西柚的愛好者，見到真係忍唔住心心眼😍😍。味道清爽酸甜，而且成杯充滿粉紅色的西柚粒，有咬感得來，又相對健康，值得推介。馬來芒果汁配芒果雪糕（跟餐+$12）好友十分喜愛芒果，成杯嘢飲芒果汁再加埋芒果雪糕，真係芒到落味，好友評價話愛芒人士不可錯過‼️🤣想睇更多介紹，馬上Follow我啦😁。#big_big_foodie #big_big_foodie食勻沙田 #big_big_foodie食勻香港
continue reading
商場重新裝修後愈黎愈多餐廰美食，今次揀咗 "咖吔"，呢間新加坡菜平時就算午餐晚餐都會見好多人排隊，令人更加有意欲想去試！餐廳裝修雅致，牆上面花花圖案及窗邊放置植物，設計充滿東南亞熱帶風情，令人relax！餐牌內有十幾款選擇 : 新加坡喇沙、海南雞飯、炒貴叼、咖吔多士、串燒、沙律等，特式嘅新加坡美食。馬來炒貴刁 $82呢款貴刁以河粉+油麵混合，吸收左濃濃嘅醬油，炒至香氣撲鼻；材料都好多元，鮮蝦爽口，豬柳嫩滑，魷魚新鮮，煙韌有咬口，油脂豐富嘅臘腸，配備辣椒粉、花生粒、青檸檬汁，可另加作調味，帶出鹹香味，與所有材料拌勻，多重口感，完全感受新加坡嘅地道風味。新加坡喇沙 $56新加坡喇沙摻摻係由類似油麵加幼粉絲混合而成，麵條有咬口又滑溜，粉絲幼滑吸湯汁，加埋口感豐富好味，湯底味濃郁，椰汁突出，又香又滑，帶少少辣，配搭啖啖蝦肉、爽口魚蛋同魚條，以及熟蛋、通菜、豆卜、通菜、芽菜、蝦乾等，口感豐富，另有青檸同參峇醬，可作調味。斑蘭咖吔多士 $40麵包烘得非常香脆，咖吔醬塗得慷慨，入口有好重椰香味，配埋中間嗰塊香滑嘅牛油，絕對係無敵組合，食完真係好有滿足感，斑蘭咖吔多士，亦是必吃之選。玫瑰荔枝沙冰 (跟餐 +$12)粉紅色沙冰用嚟打卡最適合！玫瑰味夠出，加上荔枝肉嘅香甜，甜度剛好，非常清爽。凍香茅鮮橙 (跟餐 +$6)茶裡面片片鮮橙，橙味夠出，帶淡淡香茅味，茶底口感清新。香茅青檸荔枝梳打 (跟餐 +$6)真係有枝香茅係梳打裡面，青檸同荔枝味道好夾，飲落酸酸甜甜，冰涼解膩。
continue reading