Video
8-min walk from Exit A, To Kwa Wan Station
continue reading
Opening Hours
Today
09:00 - 20:00
Mon - Sun
09:00 - 20:00
Public Holiday
09:00 - 20:00
Public Holiday Eve
09:00 - 20:00
Above information is for reference only. Please check details with the restaurant.
Signature Dishes
知道剛轉左手，有好多嘢未係好完善，俾小小意見希望老闆可以改善得更好，味道其實ok嘅，都幾好味但時間要等太耐，老闆係由切菜洗菜一刻做起，正常應該洗好切好，串起一串串，客人要時就淥熟，因為我買嘅時候已經係下午2點，如果老闆可以早少少預備，咁會好啲，因為味道係好味嘅，如果可以改善等候時間，相信生意會再好啲，加油
continue reading
492 views
平日有得正常飛行的日子，深圳就係安慰自己小出走的好地方。不過而家連大陸都無得上，唯有係生活上找旅行的感覺。想上海，吃小籠包；想日本，吃壽司；想馬來西亞，吃叻沙，其實香港什麼也有，吃完當旅行吧。前幾日，突然想起深圳，想念酸辣湯和麻辣燙，想起了土瓜灣食街看到有間新店，不如搵番深圳嘅街頭感覺。在香港，我也沒有試過麻辣燙，都一定冇深圳感覺，但如飲美沙酮嘅道理，食住先啦。廣豐美食就如平日龍津一樣有很多小食，但就多了雪櫃買麻辣燙，個名叫生哥麻辣燙。全部七蚊串，自助式，最少三串，由牛丸，魚蛋，菜到不同內臟多有，最緊要有粉麵烏冬，九元有得選。個湯算幾好，還有那些芫荽蔥和花生，好令人開胃，你可以選小辣到大辣也得，隨個人口味。叫左幾樣一定要食嘅，如海帶，牛丸，墨丸，芋頭都幾好。唯人係個豆卜好麻麻。嗰個湯完全冇浪費，係屋企自己再煮過麵。平平地，值得食下，同係深圳吃嘅價錢都差唔多，不用去太遠，殺住先。廣豐美食 土瓜灣馬頭角道9號地下C3號舖
continue reading
最近係土記發現一間小食店有賣麻辣燙，麻辣燙呢樣野係我對上一次係內地食過，但係都隔左好耐，好掛住個味道，依家終於可以感受返個味道啦。咁呢間麻辣燙嘅玩法就係要拎個兜，去裝你想食嘅食物，而我今次就夾左好多食物，夾完就比店員去處理。其實呢碗野超豐富，我都叫左差不多七八種食物，例如個台灣腸，食落同個辣汁又幾夾，因為平時食開都係燒嘅多，因為台灣腸本身自帶甜味，浸過辣汁黎食確實係另一種風味。逢親食辣野，我都好鍾意叫蔬菜類，因為佢地好索到啲辣汁，令到成件事好刺激。以呢個蘿蔔為例，佢夠淋夠入味，筷子夾落去唔會散開，呢樣可以話係必食之選。呢個牛丸真係有驚喜，佢愈食愈有牛肉味，因為坊間其他鋪頭賣嘅牛丸未必用真材實料，而呢個就唔同，值得食呀。而芋頭都要讚一讚，因為佢食落夠粉，唔錯唔錯。呢間店我相信會有下次，因為我好鍾意呢間嘅麻辣燙，食物選擇豐富，辣汁味道好，而呢類小店係值得支持。
continue reading
放工去買餸經過呢間小食鋪，見啲麻辣燙$7串好抵食，決定買啲返屋企加餸。.🍢麻辣燙 $7呢次試咗七款，要大讚係啲蔬菜份量好多，娃娃菜都差唔多有成棵🥬。雖然啲蔬菜係切好放雪櫃，但食得出啲菜好靚。整體用料都唔錯，豬肚爽口冇腥味，海帶都夠厚身。而且冇諗過仲有牛柏葉食😛。.湯底香濃，同埋食得出唔係化學味。除咗芫茜之外，個湯仲加咗「黃金豆」，原來黃金豆即係黃豆😆，但口感好似花生咁香脆。.🦑魷魚鬚 $20好少小食鋪有得賣炸魷魚鬚，見到又忍唔住要食😚。炸衣好香脆又唔過鹹，而且老闆仲會即刻將佢落鑊炸一炸，熱辣辣超級好食。.🧆咖喱魚蛋 $10好少見魚蛋仲係一蚊一粒。平平地過下口癮一流🥴。我鍾意食呢種帶甜味嘅辣醬😋。
continue reading
而家真係唔敢出去食，只可外賣返屋企食。屋企附近啲餐廳都已經食到厭。落小巴時，老公提議不如買啲小食返屋企。一向係廣豐美食老顧客，佢地既格仔餅好好食。格仔餅同雞蛋仔都係$10.一底新鮮熱辣做起，又焗到岩岩好，外面少少脆，入面又唔會太冧。燒賣魚蛋係我既最愛，平時諗唔到煮乜都會順便買返一碗返去做餸，燒賣魚蛋，10蚊十粒，真係平到笑。最鍾意加上少少佢哋秘製辣汁，好好食。煎釀三寶$10四個，今日買咗$30咁又一隻餸啦。最鍾意係佢哋呢度買煎釀三寶，雖然啲三寶係一早做起同炸起咗，但係你買咗之後佢哋會再炸熱一次俾客人，咁就可以食到熱辣辣嘅煎釀三寶。我同老公大愛炸大腸$12一串。超脆既外皮，一咬落去，仲有少少汁滴出黎，落埋芥辣、甜醬，食落大腸味濃郁滋味。炸雞脾$16一隻。大大隻，老闆係炸之前，在雞髀身界了幾下，等雞髀入邊可以快啲熟，做到外皮酥脆，而裹面不會太老。街邊小食買返去做餸都幾好。價錢又平，最緊要係每樣野俾你前都會翻熱，就甘拎返屋企開嚟食就得，夠晒方便。
continue reading