Video
7-min walk from Exit B1, Tsim Sha Tsui / East Tsim Sha Tsui MTR Station
continue reading
Opening Hours
Mon - Sat
18:00 - 02:00
Sun
Closed
Above information is for reference only. Please check details with the restaurant.
其實收藏左依間好耐係睇某youtuber 推薦男友生日終於去試一試晚上9點入到去冇乜人已經心諗係咪伏(近少少有間拉麵排哂隊)服務還好店員係有禮貌但食物真係極度失望。。。我同男友分別叫2種湯底拉麵我地不嬲中意食硬身麵所以圈左硬點知出到黎d 麵硬到似只係浸左30 秒既營多-.-我就算係日本都未食過咁樣樣既拉麵牛就真係和牛味，唔差不過少(預左)但湯底真係冇野好講，可以飲出苦味-.-男友既白牛湯底好少少不過大家湯底都係苦講真我食咁多間拉麵依間真係我食過既最難食賣相100 分既但食真係得10 分(係比d 牛)我唔知點解睇cm 咁多人仲講好食，可能係我唔好彩個廚房換左人但真係不會再試。
continue reading
係尖沙咀有勁多嘢食揀，見揀日式嘢食拉麵佢幾多好評就黎試下。一入鋪就有好濃嘅牛味，即時令人食指大動！佢得三款嘢食，和牛丼，和牛拉麵同埋白牛拉麵。望落每種都好多選擇，猶疑咗一陣個待應會埋黎勁清楚咁解釋，值得一讚！叫咗白牛拉麵，白松露牛骨湯和牛拉麵，和牛仲有得揀幾多份（每份40 g,最多三份）,同埋咩食法（剌身定火炙，兩份或以上可各要一半）。一上枱已經勁香，賣相都勁好。佢有個勁闊嘅匙可以舀湯，個湯勁足料，真係好鮮味，亦有明顯白松露味。拉麵同湯都勁夾，反而牛我覺得一般，係唔韌嘅但係唔係好食到咩味，我覺得因為個湯太濃味，所以食嘅話可能要分開黎食。咁樣食$158,合理價錢
continue reading
白牛拉麵 配 和牛刺身 兩份 (👅: 8.8/10)未去前已經做足功課 呢間拉麵以牛為主打 用牛骨湯底 配和牛刺身 或者 火灸和牛 成件事好牛🤣 牛係我最愛 和牛拉麵 聽到都🤪💦流晒口水有評語話冇乜松露味都有啲擔心 於是嗜松露既我 為左味道濃郁啲 醬油濃度揀左普通(本身想淡味但staff話我揀好多配菜建議揀濃味 唔係就會冇味 最後改左普通) 白松露揀濃味🤩簡啱就唔怕湯底過濃蓋過白松露既香味 果然冇揀錯黎到試第一啖係勁濃郁既松露味🤤之後就係淡淡既醬油牛骨湯頭👍🏻 兩者配合得好好 然後越食湯既味道越仔細 越有層次😆👍🏻👍🏻因爲第一啖咩都未食既情況下松露味會好濃 於是後兩啖味道亦會慢慢變淡俾第一啖蓋過 但當蓋過左再食多幾啖 松露味道又會再慢慢加重 呢個層次感真係好犀利而重點黎啦 和牛刺身！上枱時肉質仲係粉粉嫩嫩😍 兩份既份量大概2大塊加1小塊 真心小😹不過勝在品質高 豪一次haha🤣 刺身代表你可以浸落熱湯裏面自己決定幾成熟 成件事好有趣😛似打邊爐 食落口塊和牛既質感勁軟綿綿🤤高汁既高質和牛 火灸和牛燒過就比較濃味 一份既份量有3-4小塊左右 但即使燒過 口感都仍然軟熟 而且仲鎖實左啲汁係入面😳配菜比平時多選擇 芽菜 黑木耳 荀 紫洋蔥 蔥 紅椒絲 紫菜 全部可以簡1-2份 或者走 想講荀佢切得幾薄 食落冇平時咁重荀味反而仲帶種甜味流心蛋得一半 所以加多隻😛好滑 但醃得比較重手 btw加蒜片落湯調味會幾特別麵要軟麵 呢種幼身曲麵唔係平時直身幼麵個種 叫做真空雞卵麵😹口感偏向煙韌 比較硬 所以即使軟麵係唔夠腍 似普通硬度極牛拉麵👍🏻 (👅: 8.5/10)
continue reading
宵夜時間la，屯門睇完戲都十二點，咁又唔知附近有咩食考慮緊ichxxx拉麵定係試新野最後上網見到呢間開到兩點，就去試吓食左極牛拉麵，一份刺身一份炙牛湯底牛味確實非常重，但除此以外係完全無味，而且仲要好油好油，我哋兩個人share 一碗拉麵，食到最後基本上食唔落咁濟，太heavy太濟喇............個價錢同ichxxx 其實差唔多，去ichxxx食好過其實我個標題已經講哂我要講嘅嘢, 又油又無味
continue reading
朋友知我喜歡食和牛，又喜歡食拉麵，就帶我去這間一盛極牛，因為有齊我喜愛的食物元素。原來此處只有三樣食品可供選擇，能夠屹立不倒，證明只要質素好仍然不乏捧場客。店舖不是很大，但洋溢著日本懷舊風味，座位與座位之間的距離不會太近，所以坐得很舒適。我朋友上次食過白牛拉麵，所以佢今次就揀選了極牛湯麵，而我就要白牛拉麵。基本上兩碗拉麵只是分別在於湯底，白牛拉麵的湯底是加入了白松露。枱上貼上一張介紹有關湯底、和牛的品種和麵的材料與製作，讓客人更暸解所食的拉麵的質素和製造過程，非常貼心。拉麵和牛肉丼各自有一張單給你填寫你的需要，我要了濃味的白牛拉麵，要了2份肉，因1份只有大約40g，加上想一次過試齊兩款和牛：刺身和火炙，所以每樣要1份就啱啱好。白牛拉麵的白松露味道非常濃郁，和牛刺身肉質軟滑，火炙和牛油香較重，肉味較濃，各有特色，個人提意首先要呷一口湯，感受下濃郁白松露味才開始食拉麵，朋友要了極牛湯麵，也是和我一樣要了2份肉，也是刺身和火炙各1份。最後還要了一碗250g和牛飯（$60）兩人一起共享，牛肉的份量非常多，真的好抵食！至於飲品，朋友就叫了可爾必思（$18），朋友話味道似飲益力多，我就要了烏龍茶（$18），原來就是平曰隨處也可以買到的枝裝烏龍茶。
continue reading