Video
2-min walk from Exit D2, Tsim Sha Tsui / East Tsim Sha Tsui MTR Station
continue reading
Telephone
70738858
Payment Methods
Above information is for reference only. Please check details with the restaurant.
最近同朋友去尖沙咀行街食飯，之後佢推薦我嚟尖沙咀加拿分道的韓國菜餐廳餐餐，呢度嘅環境比較隱蔽舒適，我覺得好適合同朋友或者同屋企人一齊相聚，同埋享受正宗嘅韓式美食。我哋分別叫咗一個韓式辣炒年糕，韓式芝士五花豬炒飯 同埋一個泡菜雞肉紫菜包飯。辣炒年糕味道唔算好辣，我覺得普遍香港人都應該可以接受到，我喜歡泡菜味，不會太濃烈，而且年糕口感很好。韓式芝士五花豬炒飯勁正，上面有太陽蛋，唔花腩肥瘦適中，每一粒飯都充滿油香，而且應該係用正宗韓國國米，用料很有心思，吃得出是很正宗的韓國美食。老闆娘很好很友善，服務很有禮貌，製作食物用心，食物質素也很好，價錢也十分公道合理。雖然呢度環境可能比較隱蔽少少，但我覺得幾適合同三五知己一齊來享受美食和共聚的時光，將來我也會選擇再來。
continue reading
平時都好鐘意食韓國野，前排喺K11 Mall附近見倒有間韓式外賣店， 出面睇唔到有座位，原來入面有得坐底食，環境走小清新風幾舒服，Menu都好多選擇，炸雞、紫菜包飯、湯飯、麵食廳有盡有，價錢都好抵食，CP值高😝🥚韓式牛肉芝士蛋包飯 $68外層用蛋同芝士包住餡料好吸引，牛肉份量好多，醬汁同牛肉好夾不會太鹹🥘泡菜豆腐湯飯 $76熱辣辣好足料，內有豆腐、泡菜、魚糕、芽菜等配料，湯底酸酸辣辣好開胃，送飯一流🍜韓式水冷麵 $72冷麵入口爽滑，加左冰夏天食真係透心涼，配上青瓜絲、酸蘿蔔、泡菜一齊食更滋味🌶️韓式辣炒年糕 $76除左年糕之外仲有魚糕同大量蔬菜配料，醬汁不會太辣，年糕煙靭，最岩同朋友share
continue reading
每樣嘢份量都超大，超級抵食，仲要免收加一，值得一試！！！出邊睇唔到有座位，但入邊可以坐低嚟食，空間感十足，環境都好乾淨企理，下次會再黎食！韓式牛肉芝士蛋包飯 $68 牛肉份量好多，醬汁唔太鹹，熱辣辣嘅飯卷配埋芝士有晒層次。韓式豬肉雜錦飯 $76個人覺得賣相係咁多個入邊最靚，望到咁多配料已經好吸引，撈埋食啖啖蔬菜同肉。咁大兜飯如果細食嘅話可以兩個人share，好抵食！10件炸雞 $88炸雞係即叫即炸！外皮又脆但又唔油膩，雞件冇咩肥肉，搭埋個蜜糖醬甜甜地好好食！韓式五花豬肉炒粉絲 $76 入面有好多蔬菜配料，但整體嚟講有啲濃味，如果淡味少少會更好。海帶豆腐湯飯 $76個湯係即叫即煮，所以要等10分鐘左右，飯另上。放上枱後已經聞到陣鮮味，飲落仲有魚味，食到海帶豆腐之餘仲有小魚乾。韓式辣炒年糕 $76比我係韓國當地食更加多配料，多左蘑菇同蔬菜。年糕煙靭好好食，啲辣味好開胃。
continue reading
揸車經過見到呢間外賣餐廳門口好多韓式飯卷，立即叫老公停低，買返2盒試吓！蝦卷，我問店員炸蝦個皮會唔會好林，店員都好誠實話會有少少，不過隻蝦都好爽脆！聽落又好似OK，所以買來試吓，的確唔錯，啲炸粉雖然冧咗，不過隻蝦都好爽脆，整體好食！泡菜雞卷，做得唔錯，泡菜幾好食，啲雞肉竟然係炸雞，配搭得幾好，至少喺某間連鎖店冇咁做過，所以呢個配搭算係幾新穎。配咗兩個沙律醬，都幾好食，如果有多啲其他醬汁會更好，例如韓式辣醬。兩盒加埋$113 ，唔算好平，不過都好大嚿，尖沙咀地帶都算抵食！
continue reading