Video
5-min walk from Exit B1, Tsim Sha Tsui / East Tsim Sha Tsui MTR Station
continue reading
Telephone
21522210
Introduction
It is a starry sky themed Western restaurant. The hemispherical starry sky booth seat and purple moon are IG-able. You can enjoy European cuisine under a romantic vibe. It is a nice place for dating and celebrating important days.
continue reading
Opening Hours
Today
15:00 - 00:00
Mon - Sun
15:00 - 00:00
Public Holiday
15:00 - 23:45
Public Holiday Eve
15:00 - 02:00
Above information is for reference only. Please check details with the restaurant.
About Reward Scheme
之前星空主題餐廳【Staro】非常hit，已經同朋友去過一次，最近同朋友慶祝生日所以再去一次。餐廳裝修真係非常打卡able、而且星空位係必打卡，記得預先book定同備注。今次就試左探索星空晚餐，包括4款前菜、手工意粉、主菜同甜品。前菜—🥗 蕃茄流心水牛芝士沙律新鮮蕃茄清甜多汁，配埋Creamy嘅水牛芝士，一啖咬落去爆流心！加埋火箭菜同黑醋汁，酸甜開胃。🐮 生牛肉他他牛肉他他調味恰到好處，肉質鮮嫩唔會腥，加入法國蔥、口感豐富，配埋脆多士一齊食，層次感十足！🍴 香煎牛油香草鮮帆立貝帆立貝煎到外脆內嫩，牛油香草醬非常香，帶子鮮甜彈牙。🦑 即炸鮮魷魚配蛋黃醬炸漿超薄脆，魷魚新鮮彈牙，點埋自家制麻辣蛋黃醬更加惹味邪惡。🔥 炭燒和牛牛脷配青蔥醬（加配）牛脷燒得外焦香內軟嫩，油脂甘香，青蔥醬清新解膩。手工意粉一🍝 意式煙燻豬肉手工寬麵手工寬麵煙韌有咬口，煙燻豬肉鹹香惹味，醬汁濃郁掛麵，每一啖都充滿炭燒香氣，意粉控必試！主菜一🐑 法式寶雲酥羊架伴法式手工薯蓉羊架外層香草麵包糠酥脆，肉質粉嫩多汁，冇咩羶味！薯蓉打得絲滑綿密，牛油香濃。🐷 意式燒乳豬配焦糖蘋果芥末籽蓉乳豬皮脆肉嫩，脂肪融化喺口中，焦糖蘋果芥末籽蓉帶酸甜微辣，平衡油膩感，超有驚喜！甜品一🧀 自家製意大利經典芝士蛋糕芝士味濃郁幼滑，餅底香脆，甜度剛好，經典之作！♑ My Sign星座蛋糕（雜莓朱古力慕斯蛋糕）朱古力慕斯濃郁順滑，雜莓酸甜清新，蛋糕層次豐富，仲有星座裝飾，打卡able！Cocktail一 🍸 Capricorn（龍舌蘭酒、西柚汁、石榴汁、青檸汁）龍舌蘭嘅烈香混合西柚同石榴嘅酸甜，青檸提鮮，酒體平衡，帶微微苦澀尾韻，好有深度！Mocktail一🍹 Apollo（熱情果、芒果、青檸、雪碧）熱情果同芒果酸酸甜甜，加埋青檸同雪碧嘅清爽，酸甜解渴。
continue reading
之前見到呢間餐廳有人介紹主打有個好靚星空主題佈置生日仲有打卡able星空甜品最近新出咗下午茶系列決定同閏蜜一齊享受吓因為星空主題 店內環境較黑佈滿閃閃模擬星光 係幾浪漫都好適合情侶過嚟慶祝節日我哋兩個叫咗以下幾樣嘢食- - - - - - - - - - - - - - - - - - - - - - - - 1. 蜜糖無花果流心芝士多士多士邊有烘到酥脆 表面就好鬆軟配埋啲邪惡嘅流心芝士 多咗奶香呢隻芝士唔會好濃 比返無花果做主角食落就係好新鮮水果味道嘅無花果甜少少蜜糖點綴 都唔會搶晒水果甜2. 魚子醬水波蛋鮮牛油果煙三文魚配自家製酸種麵包呢個賣相好似小型版嘅全日早餐酸種麵包酸甜程度係啱啱好見到係有輕輕烘焦麵包表面煙三文魚唔會好鹹 牛油果好新鮮水波蛋特別加上帶有鹹香嘅魚子醬3. 焦糖開心果巴斯克芝士蛋糕店員上碟後會用火槍即場表演燒焦糖有少少睇show feel 啱晒唔落廚煮嘢嘅我睇蛋糕表面好似一層焦糖瀑布瞬間凝固咗咁焦糖脆香加埋柔軟芝士蛋糕 質感好夾側邊仲有莓果/忌廉配住咁食 口感豐富4. 自家製草莓芝麻熔岩蛋糕當日仲有兩款甜品想食 不過賣晒揀呢款係因為好似有得食又有得玩咁芝麻熔岩蛋糕做底 口感有少少似戚風上面粉紅色管就係唔會好甜嘅草莓醬食前拎起支管 啲草莓醬就會自然爆發成功營造到火山爆發嘅自然景象最鍾意係側邊好多餅碎/果碎配埋嚟食5. Matcha Latte/Caramel Latte/Peach Tea/Caffe Latte Matcha Latte好有濃郁抹茶風味 奶泡完口感更柔軟鍾意Caramel Latte上面超香脆嘅焦糖 蓋過晒咖啡嘅苦澀 Peach Tea帶有清新桃香 如果淨食甜品好啱配飲呢杯Caffe Latte就係濃郁咖啡香氣 加咗奶泡口感更輕盈另外仲有排毒美顏Detox Water任飲 果片比例放得好好
continue reading
呢間酒吧環境真係冇得頂，成間酒吧都係星空雖然暗暗地但好靚，佢地嘅cocktail都係以星空做主題大胃當然照揀返屬於自己嘅雙子座，以薰衣草做deco，蝶豆花gin、佛手柑利口酒 、接骨木tonic，再以檸檬點綴，味道就似飲緊清澈嘅星空至於另一位老best，唔理白羊座嘅壽星，照飲處女座cocktail，混合有汽sake、藍橙酒同vodka做主調，以紅石榴漿連貫整個組合，加上太空人擺座，飲到猶如浮游在無限宇宙飲酒前都要有嘢落肚先，呢間有新鮮海鮮提供，呢碟前菜蟹肉餅完完全全係用鮮拆蟹肉堆砌出嚟，一啲薯蓉都冇，啖啖蟹肉真材實料外脆內鮮，有檸檬汁同醬汁提味，好食到直上大氣層呢度連手工意粉都有，寬麵真係好闊每塊麵都掛晒汁，仲有啲煙燻豬肉，鹹鹹脆脆正好襯托意粉，配合醬汁同麵質主菜揀咗牛面頰，一碟有兩大嚿，順紋逆紋切都好嫩身，筋肉比例完美，又綿又膠著實令人食到如癡如醉下面嘅薯蓉同樣係綿滑無比，滲入嚟自牛面頰嘅紅酒燴汁，味道更香醇濃厚最後嚟個星座蛋糕，擺盤非常特別，店員會幫手點著星球下嘅燎原，再點著心型煙花蠟燭，簡直係心動時刻蛋糕係雜莓朱古力慕絲蛋糕，切開好煙韌，連蛋糕皮都好好食，裡面嘅layer好豐潤，紅莓酸酸地同甜甜地嘅朱古力mousse好夾仲有賀卡同coupon送，自家設計星空卡，靚到要私有化
continue reading
以星空為主題🌌, 周圍都佈滿LED小燈泡💡, 更設有包廂座位, 營造出浪漫氛圍💕 於星空下打卡真係好靚, 週末喺度享受一個悠閒嘅下午～♥首度聯乘本地護膚品牌 Glam Me Up 推出全新「悠閒時光」下午茶🫖！品嚐精緻下午茶後, 仲會贈送你 Glamdy保濕面膜😚下午茶自選組合有多款鹹點、手工甜點供選擇, 更可無限暢飲蔬果「排毒水」及咖啡或茶一杯☕️🍰焦糖開心果巴斯克芝士蛋糕開心果控唔好錯過💚 擺盤精緻, 芝士蛋糕上枱時, 店員會用火槍將蛋糕表面燒成焦糖脆面, 巴斯克芝士蛋糕質地綿密滑順, 開心果味好香, 整體唔會太甜膩, 伴碟仲有士多啤梨🍓、藍莓🫐🥐鮮雜果牛角多士配希臘乳酪牛角多士好香脆, 好香牛油味, 旁邊伴上雜莓, 希臘乳酪入面加咗 granola同草莓醬, 酸酸甜甜, 好滋味😋！🍝明太子蝦意粉大蝦彈牙🦐, 手工製意粉煮至 al dente, 口感煙韌彈牙, 好掛汁, 麵條吸滿濃郁嘅明太子醬汁🍝煙三文魚配羽衣甘藍醬雙管粉煙三文魚砌成花嘅形狀🌹, 賣相好靚！雙管粉上面灑咗啲開心果碎, 好香好特別！🍵Matcha latte 抹茶味同奶香平衡, 帶出抹茶嘅韻味🍃🕑供應時段：每日 2pm-5pm (最後點餐時間為 4:30pm)
continue reading
朋友生日book咗係尖沙咀嘅西餐廳慶祝，餐廳裝潢以星空為主題，氛圍感十足，星座蛋糕需要提前預訂，仲會有埋生日佈置，儀式感滿滿，更有不少打卡位，可以過一個難忘嘅生日。探索星空晚餐前菜蕃茄流心水牛芝士沙律流心水牛芝士份量十足，入口綿密香濃，配搭蕃茄仔同黑醋，清新又開胃。香煎牛油香草鮮帆立貝帆立貝煎到微微金黃，肉質厚身鮮甜，帶陣陣香草牛油香氣。生牛肉他他生牛肉他他口感鮮嫩，配搭多士，香脆可口，口感層次豐富。即炸鮮魷魚配蛋黃醬鮮魷魚即叫即炸，夠曬新鮮熱辣，入口爽口彈牙，配搭蛋黃醬，食落更滋味。手工意粉海膽手工幼蛋麵手工幼蛋麵口感彈牙，海膽醬汁濃郁creamy，每條麵條都掛滿醬汁，入口鮮甜美味。特色主菜意式燒乳豬配焦糖蘋果芥末籽蓉燒乳豬外皮烤到金黃色，口感香脆，肉質嫩滑帶肉香，搭配焦糖蘋果芥末籽蓉，味道微酸，食落無咁油膩。炭燒M7和牛肉眼扒伴法式手工薯蓉M7和牛肉眼扒外焦內嫩，入口軟腍多汁，伴隨手工薯蓉，口感綿密。手工甜品自家製意大利經典芝士蛋糕星座蛋糕星球造型器皿，賣相吸引，打開仙氣飄飄，藍色脆皮外殼，顏色鮮艷，內裡係雜莓朱古力慕絲蛋糕，朱古力味道濃郁，雜莓醬味道酸酸的，食起黎甜而不膩。
continue reading