Video
2-min walk from Exit J, Tsim Sha Tsui / East Tsim Sha Tsui MTR Station
continue reading
Telephone
27628822
Introduction
This arty themed cafe is decorated with floor-to-ceiling glass windows, wooden elements and plants to bring you a comfy vibe. Some of the food is homemade, such as artisan pasta. It is a nice place for gatherings, dating and relaxing on weekends.
continue reading
Opening Hours
Today
11:30 - 21:30
Mon - Sun
11:30 - 21:30
*最後截單時間21:00
Above information is for reference only. Please check details with the restaurant.
About Reward Scheme
見到最近都幾多人食呢間窩夫，今次為左個麻糬窩夫而去到K11 Musea😂就去試下好冇食～今日過到嚟係lunch time，我哋叫咗個set lunch～另外散叫咗啲小食同埋甜品～～今日嘅餐牌午餐係羅勒醬忌廉汁 虎蝦手工意粉，佢嘅意粉係同平時出邊食開唔同，都幾特別～意粉比較粗身，而且粗幼係不等，睇得出應該係手工意粉～都幾有趣❤️羅勒醬都幾多，由於意粉粗幼不等，意麵上可以掛起左更多醬汁，再配搭埋芝士片，成個意粉都唔錯，幾香幾好食！跟餐配左杯咖啡❤️熱Latte，餐廳嘅咖啡都唔錯，每一杯咖啡都係親手拉花～～之後我哋叫咗個All Day Breakfast～佢入面嘅慢煮雞胸肉煎得啱啱好，表面煎到金黃色，都幾香❤️配菜係黑松露日本本菇，都幾香黑松露味～炒蛋就同平時炒蛋差不多🤣自家製烤芝士酸種麵包🥯幾有咬口，煙煙韌韌，配搭2款芝士啱啱好，唔會太漏👍我哋叫咗個小食唐揚脆雞，唐揚炸雞平時係配沙律醬，不過呢度係配柚子汁，炸粉都算皮薄，炸雞新鮮熱辣，個口仲會熱到出煙😂😂😂然後就係必食嘅窩夫❤️今次我哋叫咗海鹽焦糖比利時朱古力麻糬窩夫🧇如果鍾意食麻糬嘅朋友仔應該幾開心，因為有一大塊麻糬撻喺窩夫上面❤️基本上每一啖都都有麻糬～～～～見到基本上每一台嘅客人都會叫一份！可以見到大家都係為咗麻糬而來🤣個人覺得都幾好食，窩夫非常香脆，外脆內軟，夾雜着微微嘅朱古力味，如果唔夠味仲可以點朱古力醬同埋朱古力雪糕，一份有4塊夠晒飽🫶🏻🫶🏻兩條友食咗呢幾份嘢已經飽到飛起🫢不過嘅體驗都唔錯，特別係個環境都幾清幽，窗邊的落地玻璃非常廣闊，食飯嘅時候都幾chill❤️仲可以望住對面公園啲花花草草，都算幾寫意～～～
continue reading
尖沙咀K11 MUSEA的Ukiyo有邊佑錫聯成套餐!!!店內仲有唔少打卡位，有得同邊佑錫合照呢!!慢煮雞胸肉｜黑松露日本本菇｜炒蛋｜ 自家製烤芝土酸種麵包 HK$98雞胸肉雖然細細塊，但原來幾好味，咸香咸香的。酸種麵包個芝土如果大塊D就好啦。龍蝦汁配大蝦三文魚籽手工意大利寬帶麵 HK$188意粉好煙韌，比較有咬口的，蝦肉係有煎過，所以好香，肉都係爽的。海鹽焦糖比利時朱古力麻糬窩夫 HK$168仲有得免費加生日牌+蠟燭，非常有儀式感。麻糬超Q彈的，朱古力雪糕超濃，好正!窩夫係比較乾身脆的，配埋軟林林麻糬同雪糕，好夾呀!𝐏𝐇𝐘𝐒𝐈𝐎𝐆𝐄𝐋 𝐗 𝐁𝐘𝐄𝐎𝐍 𝐖𝐎𝐎 𝐒𝐄𝐎𝐊推出「士多啤梨亮白美肌窩夫套餐」由11月7日至28日於Ukiyo惠顧聯乘窩夫套餐，即可獲贈「 PHYSIOGEL醫學級護膚體驗套裝」乙份，包括：-雙效逆齡精華體驗裝-抗敏紓緩面霜體驗裝-低敏保濕乳液體驗裝-產品現金券-品牌代言人韓星邊佑錫文件夾
continue reading
上次食過之後成日都話要再來，今次新年假期就帶埋屋企人一齊食🥰最中意Ukiyo嘅環境好舒適，超大落地玻璃採光+木系枱凳，成個氛圍都好放鬆🩷而且有空間感，坐得舒服超加分！講番野食，菠菜忌廉汁帆立貝手工寬麵，個手工寬麵好彈牙，配上鮮味嘅帆立貝，菠菜忌廉汁偏淡，唔會太漏，還好✨All Day Breakfast，揀咗有慢煮澳洲和牛板腱，除咗牛板腱，仲有胡麻菠菜、牛蒡漬、蘿蔔漬同紅芝漬，仲有香滑嘅炒蛋同自家製酸種麵包每樣嘢都好好味，勁中意炒蛋同菠菜，又追住食和牛板腱😆肉質鮮嫩，食完真係覺得唔夠喉！最後，當然唔可以少得最期待嘅甜點——麻糬窩夫！今次我哋選咗香橙伯爵茶開心果麻糬窩夫，外皮酥脆，面頭大大塊嘅麻糬又Q又彈，橙香同伯爵茶味道搭得好正，真係太好味啦！🍊🍵💕總結嚟講，Ukiyo 依然冇令我哋失望，食物質素同創意都好高，環境亦讓我哋享受咗一頓愉快嘅午餐！絕對值得再訪，下次都要黎再試更多美食！🤗❤️
continue reading
第一次光臨感覺位置環境確實不錯打卡一流當日28/1已訂位，去到見到只剩下窗邊位，近窗位置當日太陽直晒，其他陰涼位已座滿人沒有選擇，唯有頂硬上，若能配備窗簾/卷簾就更好，很多餐廳都會有這窩心的配置服務質素只是一般，可能當日太多人光顧吧不過最令我反感的是那開放式廚房，令到油煙彌漫充斥整間Café, 我由頭到腳手袋都是油煙味，若不是之後要外出團年，就會直接回家沖涼，真心頂唔順海鹽焦糖比利時朱古力麻糬窩夫，麻糬淋在窩夫面軟身味道可以想嘆下靚咖啡chill下，不怕油煙味，都是一個值得光顧的好地方
continue reading
龍蝦汁配大蝦三文魚籽闊條麵是一道極具風味的佳餚。濃郁的龍蝦汁與鮮嫩的大蝦相得益彰，三文魚籽增添了獨特的鹹香，搭配滑順的闊條麵，口感層次豐富，令人回味無窮。牛油果羽衣甘藍奶昔清新健康，口感滑順。牛油果的奶香與羽衣甘藍的清脆相融合，營養豐富，適合早餐或輕食。甜度適中，十分解膩，讓人感受到自然的美味與活力。All Day Breakfast提供多樣化選擇，從煎蛋到鬆餅，每道料理都令人滿意。食材新鮮，味道豐富，無論何時享用都能帶來愉悅的早餐體驗。焙茶麻糬窩夫外脆內軟，香氣四溢。焙茶的獨特風味與麻糬的Q彈口感完美結合，甜而不膩，讓人一試成主顧，令人驚喜的創新甜品😋
continue reading