Video
6-min walk from Exit E, Long Ping MTR Station
continue reading
Opening Hours
Today
10:30 - 17:00
Mon
Closed
Tue - Sat
10:30 - 17:00
Sun
Closed
Above information is for reference only. Please check details with the restaurant.
好食嘅懷舊糕點真係愈來愈小，除咗喺街邊撞彩遇到嘅流動檔口之外；今次我亦算撞彩搵到驊記（並唔係專登去朝聖）。啱啱喺附近食完Lunch，路過聞到好香嘅花生味。雖然已經好飽，但都忍唔住買咗一個花生糯米糍試吓。即叫即包，攞到上手係暖暖的。咬開皮好薄而且軟糯，滿滿嘅花生餡真係多到瀉出嚟；好有幸福感。如果餡料嘅甜度可以再低D，咁就Perfect啦！太飽嘅關係，試唔到茶果！見到有好多種口味，下次嚟要試埋佢D先得。
continue reading
經過見到老板娘親自包糯米糍, 見唔係多人排隊, 買黎試試, 只有老板娘自己一人包, 等嘅時間都耐少少, 為咗唔浪費時間同埋衛生問題, 所以呢度都係自助找續的。呢度除咗有糯米糍外, 仲有砵仔榚,茶粿,咸肉粽...等等買到返屋企就忍唔住第一時間試食, 外皮做得好薄, 花生餡一咬即爆開, 餡料真係好多, 不過本人比較鍾意有少少口感, 如果外皮輕輕厚番些少會較好。順帶一講:我欣賞老板娘開咗咁多年, 每日親力親為果種精神。👍👍👍
continue reading
平日驊記最出名就係糯米糍同茶果，但到左節慶就有限定野賣，新年會賣糕，端午就會賣粽。星期一係端午，星期六既中午去到驊記都係齋賣粽，一樣排哂隊，都要排左15分鐘。買左兩款，綠豆咸肉粽（$30)同埋瑤柱（$40)。到手個陣仲係熱辣辣，放涼之後擺左入雪櫃，星期一端午再滾水後落，浸住蒸10分鐘食得。兩隻粽大小相若，價錢黎講比起市面大牌子係平，加上驊記料都幾多，size 都唔細。切左中間或者係側邊，每一啖都一定食到綠豆，絕對足料。咸蛋黃就係側邊。豬肉相對較肥，瘦肉位唔多。去到最邊位，都係滿綠豆，肥豬肉都係冇瘦位。瑤柱粽切半見到都係滿滿既綠豆，未見有瑤柱。呢舊豬肉就比較瘦d。切過少少終於見到了。瑤柱都幾香，淋身唔鞋。但要俾多$10有粒瑤柱仔，值唔值就見人見智了。唔係夾住瑤柱食既話，都係綠豆粽既味道。兩隻粽比較，綠豆咸肉粽反而有粽葉香，雖然粽葉應該都係同一處理方法。如果大件抵食既話都一定係食綠豆。驊記另外仲有紅豆同鹼水粽賣，想試下元朗味道，下年就記得留意住了。
continue reading
真係唔明點解咁多人話好食，仲要排咁耐隊?糯米糍皮薄但唔煙韌，花生又不夠香不夠脆。茶粿皮厚好粉唔軟轜無葉香，一點都不是家鄉茶粿的兒時質地，更莫說口味，蘿蔔、眉豆、花生、紅豆全部買了，卻沒一個餡料覺得好吃，只吃了一口就迫於浪費。缽仔糕慶幸豆粒比較多，不然也吃不到半個，但整體口感實在太差了，好粉極易斷開。根本這店與二三十年前傳統的味道相差太遠了。仲要排這麼久達半小時多，真的不知為什麼。大衆的口味竟然變成了這樣。
continue reading
呢間嘢名過於實， 我真係完全唔覺得好好食， 唔明點解咁多人除去到好好食而且排隊排咗我差唔多半個鐘頭有多先買到， 有好多間舖頭都好食過佢， 我諗可能老字號舖頭掛， 真係未試過冇必要要排咁耐隊買， 元朗大把好嘢食真係唔使特登排隊
continue reading