Video
Opening Hours
Mon - Sun
10:00 - 22:00
Above information is for reference only. Please check details with the restaurant.
今日第一次專登來，想嘗試一下小竉包，點知坐底之後，點心冇貨😫😫真黑仔，專程來，點知食唔到😫唯有食其他，靚女老闆娘介紹，「醉雞」好好食，要左一份，真係好大驚喜，好食到一個點，再叫左兩個下午茶麵「豬扒擔擔麵」「唔記得咗咩伴麵」，都唔錯👍👍再叫多個小食「白泥肉」，雖然係小辣，但都好辣🥰🥰之後再叫左兩枝唔同味的「果汁沙棘」😋😋一枝係茶，一枝係果汁，兩枝都好好飲，唔錯👍👍👍大致上都幾好食，下次會再幫襯👍👍👍👍
continue reading
今日咁岩行過b仔涼粉舊鋪，發現後面有條美食街，見到大多都係日本野同西餐，中間竟然有間上海鋪，就入去試吓喺出面睇到好似好多野食，咁岩撞正下午茶時間，就同朋友點左個嫩雞煨麵餐配凍檸茶，再加小籠包同豆沙窩餅雖然係下午茶，但麵同雞絲嘅份量都唔少，湯底飲落竟然冇味精味，真係有淡淡嘅雞味，唔似一般餐廳嘅湯底咁，飲兩啖就好口喝，真係好似飲緊雞湯咁。啲麵唔似上海麵，我都唔知係咩麵，但食落幾爽滑，放耐左都唔會吸哂啲湯搞到一pat 野咁。最驚喜係，我一路食，碗麵都keep住暖嘅，餐廳冷氣都幾充足，但啲麵唔會好快凍哂，好神奇😳小籠包同豆沙窩餅都係去上海鋪必點嘅點心，第一次喺下午茶時間食都幾特別。兩樣都不過不失，但豆沙窩餅我應該叫侍應後上，放耐左已經冇剛上台時咁脆。餐廳識用生菜吸一吸啲油，等客人唔會覺得咁油膩，聰明👍🏻我覺得成間餐廳都同其他上海鋪好唔同，裝修睇得出花過心思設計，成個風格唔似中菜館；大多上海鋪都只有豆漿飲，但呢間有埋可樂、綠茶、凍檸茶🍹總括嚟講，呢間小店裏裏外外都好有驚喜
continue reading
本身好鍾意食上海野，呢間滬小園由3月尾開到而家，每隔一段時間都會去幫襯下，每一次都有驚喜每次餐牌都有新菜式，次次落單都有選擇困難症🤣今日咁岩經過，一定要食返個lunch, 可惜而家限聚令，得兩個人唔可以叫咁多，今次只叫左小籠包、口水雞配菜飯、蔥油手撕雞同脆皮豬扒大王擔擔麵食上海菜當然要叫小籠包，小店當然冇人手自己包小籠包，唯有叫貨。但呢隻小籠包皮唔算厚，入面都多肉汁，味道都不過不失呢個係我每次必嘅菜式，手撕雞好多上海餐廳都有，但呢度嘅手撕雞加左炸芋絲，脆脆嘅口感，加埋手撕雞一齊食好特別！朋友叫嘅脆皮豬扒大王擔擔面，豬扒新鮮炸起，脆pok pok, 但入面嘅肉仲好嫩，食落唔會成口油我點嘅口水雞配菜飯，可惜食完小籠包同手撕雞，再加埋菜飯已經好飽，口水雞唯有打包。第二日再翻熱食，雞肉竟然仲好嫩滑同彈牙醬汁味一早入哂隻雞度，第二日食仍然好正最正嘅係將啲醬撈埋麵一齊食，一滴醬都唔好嘥總括嚟講，小店一啲都唔比大連鎖店差
continue reading
看著「小滬園」由零開始在這條經常「搵食」的小街立足，待他整頓妥善後，終在四月首次到訪。首訪一麵一飯一菜的簡單晚飯後，我們好像跟初到貴境的「滬小園」一起成長與適應！元朗區做上海菜的小店不多，也許只有零星數家，「滬小園」同屬小模式經營，店面不大，亦局限於人手和面積，這裡沒有元蹄、蟹粉、醃篤鮮等菜式，但有著不少媲美大店的味道，本來想再多嚐一點才與大家分享，但去了十次、八次，發現沒可能把大部份菜式品嚐，因為大廚也不斷在求變當中、不斷在揣犘客人喜歡的口味！最初只提供普通餐牌的菜式，其後晚市多添了每天不同的隱藏菜單！也有推出過撚手小菜晚餐，老闆兼大廚稱雞是他的殺手鐗，所以每日例必會出現雞菜式！確實「滬小園」的雞做得很不錯，至少令我這個不太好雞的人也喜歡上，就讓我先介紹我喜愛的雞吧！我們也愛喝湯，毫無懸念率先推介真材實料的砂鍋雲吞雞 (半隻）HK$98。乳白鋪上點點黃油的湯底，由大量鮮雞肉和豬骨熬製，一呷純厚與豐美的韻調，加上無添加的元素，不得不豎起姆子來讚好！富菜香及不過濕的上海菜飯 HK$12 是砂鍋雲吞雞的好配搭！雞件保持肉嫩，證明火喉恰到好處！圓渾的自家製雲吞皮滑、餡料爽香交雜，吃得我倆大悅，下次要買生雲吞回家自煮！第二道要介紹的雞菜式是鹽焗手撕雞 (半隻）HK$98，亂中有序的賣相並不馬虎，再加上蔥油香氣，心動並筷動！蔥油的味道調較得宜，滿滿的蔥香滲透在雞絲、青瓜絲、紅蘿蘿絲和炸芋頭絲裡，惹味得來不過鹹、亦不膩，而且口感層次鮮明，每口夾雜軟爽酥香，脆口的炸芋頭絲更是驚喜之作！半隻雞一人難以消化，中午來個冷盤小食的風味麻辣手撕雞 HK$59 吧！擺盤有著不刻意的凌亂美，我喜歡這種感覺。一試，麻辣汁惹味十足，是令人流口水的出色之作，而醬汁的份量剛足夠緊緊包封雞絲和炸芋頭絲等，來得乾淨脷落。麻辣與溫醇的蔥油風格來個兩樣，愛辣者，麻辣口味是必選啊！辣一不離二，冷盤小食的四川口水雞 HK$59 也是嗜辣者不容錯過的。沾上麻香辣與滿滿香菜的雞件，嫩滑惹味之餘，又不過於重口味，不得不叫愛辣者喜歡，連老公也大讚口水汁美味！除了雞，「滬小園」的麵食也令我喜出望外，尤其這款創新的慢煮牛臉脥擔擔麵 HK$55！擔擔麵湯底稠密適中、香氣洋溢，面層沒有灑上慣常的花生碎，可是花生香卻暗暗地融合在湯底裡，再帶點微辣，光是湯底也足見用心之處！牛臉頰通常出現在西菜中，大廚將中西融匯貫通，出奇不意地運用於上海麵食中，不失牛臉頰的軟腍彈滑的吸引力，個人覺得牛香與擔擔麵的湯底更是最佳拍檔。麵條的口感也頗特別，質感不完全是軟乎乎的，軟滑中又帶有輕微的筋性，本來我對粗麵條情有獨鍾，但這麵條的筋性和不俗的掛湯效果，又似乎有著可取之處！將湯底喝至底部，竟發現了不少金華火腿，不止是用心，還是良心啊！換上上海雲吞，又成了另一個版本 — 上海雲吞擔擔麵 HK$42。無辣不歡的我，眼見餐牌上的野山泡椒雞湯麵 HK$48，口水便嚴重失控，但又不想吃雞，友善的大廚為我特別換上牛肉，變成了野山泡椒牛肉麵，太棒了！嫩滑的鮮牛肉，沒有下過化學鬆肉，質感來得自然，好吃！清澈的湯底帶尖酸辣鹹和泡辣獨突的香氣，現在回想起來，也抑制不住，口水如泉湧！白麵條十分彈牙，有點像桂林米粉！紅燒牛肋條撈麵 HK$58，亦是不錯的選擇，只要吃一口揉韌軟彈與及飽吸紅燒醬汁的牛肋條，香濃美味即時會轉為滿足感，然後有著奪腔而出的快慰！麵條也跟擔擔麵的一樣，並附送的一碗紫菜湯！很久沒有吃過好吃的上海粗炒了，那次給我們遇上餐牌以外的豬扒上海粗炒。豉油醬汁鹹甜適中、富香氣，麵條炒得甚有鑊氣，加上具質感的厚身脆皮炸大王豬扒，非常軟腍美味，快要打上九十分，不過喜愛蔬菜的我倆，卻挑剔著椰菜未夠多！雖嫌椰菜不夠多，但美味仍是會令我們掛念，故抗疫外賣也點上豬扒上海粗炒！上海回錋肉 HK$63 是撚手小菜的選擇，同樣鑊氣鼎盛，五花肉爽而不油，回鍋醬汁味豐，下次定要求加辣！蔬菜也不失誠意，這是我們經常吃的上湯杞子浸津白！上湯純厚無添加，令本身菜味不濃的津白，變得腍香美味，更意外地發現了魚肚，雖然屬於只此一次，也如執到寶一樣，哈哈！文章起首提過「滬小園」在食物款式中不斷求變，以迎合客人的喜好，酸辣湯就是當中新增的產品。金菇、豆腐、冬菇、豆腐乾、筍絲、木耳絲等用料豐富，最重要的酸辣和稠密度也來得平衡，令人有著開胃醒神的快感，十分喜歡「滬小園」的酸辣湯，不過有時會變得較稀，或是沒有把湯料平均盛出，某種湯料會特多，某些缺少，令層次沒那麼鮮明。這些偶爾的不完美，在成長過程中，還是可以接受的！不點蔬菜的話，可考慮冷盤小食的小園拍青瓜 HK$35，蒜香和自家製的辣汁，讓人回味！還有涼拌萵筍 HK$43，味道也不差，但薄切幼條令口感沒那麼誘人。除原味，也可選擇麻辣口味！作為街坊，對誠意的小店一定繼續支持，期待「小滬園」日漸成長，為我們帶來更成熟、更進步的滋味，加油呀！疫情令飲食業承受很大的衝擊，尤以小店規模影響更甚，在資金和抵擋風雨的能力上也較薄弱，希望在家抗疫中也盡量給予小店一點支援！
continue reading
連續兩晚去了滬小園。第一晚9點幾到，自私食，點了水煮魚，特別交代要小辣，樓面話冇問題，我唔食辣仲可以叫唔辣，不過我拒絕左。上菜之後發現真係唔算辣，啱啱好唔使係咁飲凍野。食物水準比我預期高，辣度啱啱好之餘，最緊要唔鹹，食得出冇咩落味精。今晚4個人去，又點左水煮魚，再點了沙拉蝦、菜膽雞同埋竹笙雜菜煲。水煮魚繼續保持水準，沙拉蝦比想像中清甜，食得出唔係急凍蝦，但份量可以多啲，竹笙雜菜煲唔會hea做。4個小菜連埋飲品同埋4個飯，先$391，比一般餐廳水準高，價錢都係差唔多，性價比高，值得回頭，下次再試試其他菜式~
continue reading