52C Medium Rare (Closed)

平時好少去佐敦，呢次為左去埋嘉多娜所以特登3點左右先去食lunch，食完就差唔多可以去排隊😎。搵左下佐敦有咩好食，見到呢間好似新開，男朋友又鐘意食牛，所以就黎試下。去到都無咩人，環境好乾淨唔大油煙無油立立，staff好nice 😬，仲有自助點餐機幾方便👍🏻。我地都揀左石燒牛但要唔同部位試下😋。店員會喺廚房煎一煎舊牛到medium rare左右就擺石板上拎出黎。舊石仲相當夠熱，我唔太食有血既所以可以再燒下，如果覺得夠熟就建議可以擺去邊位/飯上面，如果唔係慢慢食由舊肉繼續擺喺上面會燒到燶晒😂。🔅石燒 封門柳180g ($148)有前菜，餐湯同飯跟埋成set。牛肉標榜係美國純天然400日穀飼既牛，180g都夠食。牛本身都有味，不過店家都提供左燒汁同黑胡椒鹽可以自己再調味。封門柳就好夠嫩，一啲都唔鞋口，肉質鬆軟，牛味頗濃🤤。湯唔算太濃味，仲有salad，所以可以平衡返。飯係珍珠米，撈埋燒汁配牛一流😚。🔅石燒 牛肩180g ($88)牛肩肉質結實，油脂分佈都唔錯，同封門柳2種唔同口感😌。建議都係唔使燒太熟就可以食😋。💬整體都唔錯，仲有圍裙提供唔怕整污糟件衫，又有衣物芳香噴霧唔怕食到成陣味，幾欣賞