Video
Read full review
2016-12-07
1595 views
天氣明顯轉涼，是日媽子唔想煮飯，所以話出街食。打邊爐係不二之選。 因為大家都係尖沙咀放工，所以決定係附近揾食。聽朋友之前推介過佐敦間邊爐唔錯，所以就預早book好位。大家7:30到，但都要等位，因為人實在是好多。 8點侍先入座，但因為人太多，所以要搭枱。任食時間算好長，$158一位可以食2.5個鐘，而且全部湯底都免費，好抵食，而且選擇都好多。我地點左個鴛鴦湯底，一邊個胡椒豬肚湯，另一邊係醉雞。 個湯底好正，要大讚，奶白的胡椒湯入面有好多料，好香，豬肚又多仲有酸菜，味道夠晒濃。醉雞又係好多料，的雞件好滑，花雕酒味好香好濃，我見隔離枱仲額多叫侍應俾多碗花雕酒佢，但都唔另外收費喎!!! 食物選擇好夠，差不多有成80幾款食物可揀，而且咁爆人的情況下，上菜速度算快，而且無漏單，好有效率。牛肉羊肉都好新鮮，而且肥瘦均勻，所以encore左幾轉，好好食!!! 每枱客會送一Jar竹蔗水，好清熱，而且甜度剛好，我鍾意~飲品自助去雪櫃拎，選擇都好足夠。蔬菜好新鮮，油麥菜、粟米都好甜，又係encore左幾轉，好耐未試過邊爐食菜食得咁開心。 魚腩可以揀鯇魚或脆肉鯇，脆肉鯇絕不欺
因為大家都係尖沙咀放工，所以決定係附近揾食。聽朋友之前推介過佐敦間邊爐唔錯，所以就預早book好位。大家7:30到，但都要等位，因為人實在是好多。
8點侍先入座，但因為人太多，所以要搭枱。任食時間算好長，$158一位可以食2.5個鐘，而且全部湯底都免費，好抵食，而且選擇都好多。我地點左個鴛鴦湯底，一邊個胡椒豬肚湯，另一邊係醉雞。
個湯底好正，要大讚，奶白的胡椒湯入面有好多料，好香，豬肚又多仲有酸菜，味道夠晒濃。醉雞又係好多料，的雞件好滑，花雕酒味好香好濃，我見隔離枱仲額多叫侍應俾多碗花雕酒佢，但都唔另外收費喎!!!
食物選擇好夠，差不多有成80幾款食物可揀，而且咁爆人的情況下，上菜速度算快，而且無漏單，好有效率。牛肉羊肉都好新鮮，而且肥瘦均勻，所以encore左幾轉，好好食!!!
每枱客會送一Jar竹蔗水，好清熱，而且甜度剛好，我鍾意~飲品自助去雪櫃拎，選擇都好足夠。蔬菜好新鮮，油麥菜、粟米都好甜，又係encore左幾轉，好耐未試過邊爐食菜食得咁開心。
魚腩可以揀鯇魚或脆肉鯇，脆肉鯇絕不欺場，好新鮮。我地額外點左碟蠔，肥肥大大，都好新鮮!以為百零蚊食物應該好極有限，但呢度真係意料之外，花膠生骨髓都有，完全覺得物超所值!!!
最驚喜係打邊爐有乳酪雪糕食，雪糕質地好軟滑，又夠凍，其實好好食，打完邊爐食返杯雪糕，消下熱氣，一流也。
呢度的邊爐任食第一次黎食，連阿媽都覺得抵食，打住邊爐煲無線，食得好滿足，三人埋單每人200蚊唔使，性價比其實好高，絕對值得一試!!!!
Post
