大滿足 (Moved) New Location

最近大家都談論的小食莫過於葵涌廣場的海膽手卷。最近某翻新左某啲部份，好多小食店進駐左。今日放工經過，就順便去食下。最有人氣的係係1樓的大滿足，$29.9半板海膽作招徠的手卷大排長龍。幸好閒日唔算多人，但都好多人排隊。小店唔大，小小的廚房隔離就係賣日本飲品的汔水櫃，價錢唔算貴，但選擇頗多。落左單等左約8分鐘就整好出黎。招牌牡丹蝦海膽松露手卷，賣相幾吸引，一大隻蝦拆肉，點上松露，再加上海膽，成個感覺好豐富。蝦同海膽好新鮮，松露都算有少少香味，還不錯。至於海膽手卷，雖說是半板，但感覺唔多，好單薄。但以$29.9的價錢黎講，係可以接受，而且海膽都算鮮甜。整體黎講，手卷味道不錯，飯唔算大嚿，海膽都足料，路經嘴饞可以一試。