六合小廚 (Closed)

其實我好少去尖沙咀廣東道呢條名店街，一係我冇錢買名牌，二係太多自由行，三係因為我估計嗰度都冇乜好嘢食，唔通食銀包手袋咩？但事實係原來嗰度有棟building, 樓上竟然開滿餐廳，仲要係港式茶餐廳，咁特別的咁我就揀咗呢一間六合小廚試吓。其實入到去同一般環境同餐牌上面的食物嘅港式茶餐廳大同小異，咁我們當然選自己喜歡的食物，好似咖哩牛腩飯，海南雞飯，招牌牛四寶車仔麵，和見到我至愛的薯仔牛柳粒😍唔講唔覺我哋不約而同點左幾樣食物都關牛事🤣睇嚟茶餐廳中牛佔咗一個好重要嘅位置😂咖哩牛腩飯($56)係典型嘅港式咖喱，有三四條坑腩和牛筋，都算不過不失。海南雞飯($60)我哋揀咗雞髀加$10，望上去就好靚好想食呀，不過朋友第一啖食落去就話：「咦乜有骨嘅？」因為平時食開無骨海南雞飯🤣好搞笑，雞嘅肉質都算鮮嫩，係美中不足因為有骨🤣招牌牛四寶車仔麵（$78），有牛腩牛肚牛腸和牛筋，幾大豌份量都算幾足，牛筋同牛肚都幾爽，牛腸粉粉地幾特別，加埋佢嘅秘製辣汁都唔錯。到我至愛的薯仔牛柳粒（$88）佢呢度係用牛腩粒，每粒牛腩粒炸得香脆，薯仔亦都煎得好香，有大排檔嘅風味。總括而言都算係一間稱職嘅茶餐廳，特別的地方係佢是樓上