Video
Read full review
2018-12-02
234 views
尖沙咀比我嘅感覺就係shopping和自由行，我真係估唔到喺呢度可以搵到一個隱世勁chill的大型樓上cafe。雖然話隱世但係一啲都唔難搵，喺尖沙咀B2出口一出直行到盡頭嗰個大型商場樓上3樓就係，因為佢新開嘅關係樓下中放滿好多花籃，上到去3樓原來是全層有一半都係屬於呢一間Cafe，另一半就係啲精品店和扭蛋機。有邊個會諗到到3樓開咗間咁正的Cafe，啱晒我呢啲偽文青。佢空間非常之大，而且環境好舒服好自在，重點係唔同區域有唔同嘅枱櫈你可以自己選擇，席地而坐又得，圖枱，長枱，唔同嘅座位都可以坐，重點係佢係無限時，只需要最低消費一杯野飲就OK，平時約三五知己來呢度hea一個晏晝都冇問題！佢呢度呢係自助形式，唔會有侍應服務，攞餐到食完擺番啲盤都係自己，不過見到大家都好自律，可能係比成個氣氛環境所影響。至於食物方面都算係非常高質，因為通常Cafe嘅嘢食我哋都預咗麻麻地，點知佢呢度嘅嘢食性價比算很高，我哋點左all day breakfast都係$88，有德國腸煙肉炒滑蛋牛角包沙律菜同埋蘑菇，滑蛋够滑，牛角包仲係暖㗎，而且一set都幾大!卡邦尼意粉($58)同樣一樣咁有誠意！唔會話太多汁，加上大量嘅
尖沙咀比我嘅感覺就係shopping和自由行，我真係估唔到喺呢度可以搵到一個隱世勁chill的大型樓上cafe。
雖然話隱世但係一啲都唔難搵，喺尖沙咀B2出口一出直行到盡頭嗰個大型商場樓上3樓就係，因為佢新開嘅關係樓下中放滿好多花籃，上到去3樓原來是全層有一半都係屬於呢一間Cafe，另一半就係啲精品店和扭蛋機。
有邊個會諗到到3樓開咗間咁正的Cafe，啱晒我呢啲偽文青。佢空間非常之大，而且環境好舒服好自在，重點係唔同區域有唔同嘅枱櫈你可以自己選擇，席地而坐又得，圖枱，長枱，唔同嘅座位都可以坐，重點係佢係無限時，只需要最低消費一杯野飲就OK，平時約三五知己來呢度hea一個晏晝都冇問題！
佢呢度呢係自助形式，唔會有侍應服務，攞餐到食完擺番啲盤都係自己，不過見到大家都好自律，可能係比成個氣氛環境所影響。
至於食物方面都算係非常高質，因為通常Cafe嘅嘢食我哋都預咗麻麻地，點知佢呢度嘅嘢食性價比算很高，我哋點左all day breakfast都係$88，有德國腸煙肉炒滑蛋牛角包沙律菜同埋蘑菇，滑蛋够滑，牛角包仲係暖㗎，而且一set都幾大!
All day breakfast
$88
32 views
0 likes
0 comments
卡邦尼意粉($58)同樣一樣咁有誠意！唔會話太多汁，加上大量嘅洋蔥，配以蘑菇煙肉感覺好夾幾香口，加上佢呢度用扁意粉爽彈煙韌我鐘意呀！
卡邦尼意粉
$58
20 views
0 likes
0 comments
17 views
0 likes
0 comments
另外佢嘅嘢飲都好得！我因為傷風唔舒服叫左一壺熱嘅有機檸檬薑茶($58),佢都幾足料而且幾大喎，我飲咗喉嚨好舒服啊😌
有機檸檬姜茶
$58
18 views
0 likes
0 comments
小確幸
$48
14 views
0 likes
0 comments
佢呢度仲有好多款唔同嘅明信片可以即買即寄，我諗係target on 旅客多，不過啲明信片都幾得意。
整體來講，佢呢度真係幾好坐，我同朋友不經不覺由晚上七點傾到11點，只需要最低消費一杯野飲啦就可以唔限時任坐！後來我仲見到原來佢夜晚9點到11點會推出甜品放題,只係每位$88就可以任食佢自家製作嘅甜品，今次比我發現咗呢個咁正嘅地方！我下次又要來食！😍—————————————————
店名：香港郵意
環境🏝：8/10
服務💁🏼♀️：8.5/10
價錢💰：8/10
食物質素🍝：8/10
整體🙆🏻♂️：8.3/10
地址:
尖沙咀漆咸道南61-65號首都廣場2樓80-82號舖
Post
