Video
Read full review
2021-09-11
1038 views
我嘅總結係，人生點都要試下鬼金棒嘅秘製麻辣拉麵，況且都要百餘元一位，仲要無加一，美味之餘，口味仲幾獨有，食得多普通豬骨、牛骨、魚湯拉麵，間中都想試下新野掛？呢度嘅拉麵統一都係一款味噌湯底，只係搭配不同配料，以及能夠自選辣度及麻度，有勁辣、辣麻，亦有唔辣、唔麻。芫荽辣麻味噌拉麵（$110）：食開譚仔小辣都可以選擇中辣至大辣，味噌湯非常濃郁，即使大辣都唔會遮蓋湯底嘅鮮香，反而感覺味道更有層次，十分出色！滿滿嘅芫荽覆蓋整個拉麵，香味十足，芫荽迷必食嘅一個選擇！未食過都真係唔知芫荽配味噌湯可以咁夾。拉麵統一都係曲麵，硬度適中，仲有一舊超厚切日式叉燒，真係一舊等於普通嘅五六七塊叉燒...*下面碗「增量芫荽」需要加$30元玉米荀辣麻味噌拉麵（$100）：湯底均是一樣，只係減去芫荽，味噌湯嘅獨有風味可謂完完整整地奉獻給你，所以鬼金棒最少要食兩次先得玉米荀鮮甜爽口，份量仲真係好多，畢竟自己去超市買唔平，所以我都幾appreciate呢款。塊厚切日式叉燒點都要講下，其實係一塊炆到非常軟腍入味嘅豬腩肉，味道香甜，肉質幼滑，其脂肪位置可謂入口即溶
呢度嘅拉麵統一都係一款味噌湯底，只係搭配不同配料，以及能夠自選辣度及麻度，有勁辣、辣麻，亦有唔辣、唔麻。
芫荽辣麻味噌拉麵
$110
34 views
0 likes
0 comments
芫荽辣麻味噌拉麵（$110）：食開譚仔小辣都可以選擇中辣至大辣，味噌湯非常濃郁，即使大辣都唔會遮蓋湯底嘅鮮香，反而感覺味道更有層次，十分出色！
滿滿嘅芫荽覆蓋整個拉麵，香味十足，芫荽迷必食嘅一個選擇！未食過都真係唔知芫荽配味噌湯可以咁夾。拉麵統一都係曲麵，硬度適中，仲有一舊超厚切日式叉燒，真係一舊等於普通嘅五六七塊叉燒...
*下面碗「增量芫荽」需要加$30元
玉米荀辣麻味噌拉麵
$100
17 views
0 likes
0 comments
玉米荀辣麻味噌拉麵（$100）：湯底均是一樣，只係減去芫荽，味噌湯嘅獨有風味可謂完完整整地奉獻給你，所以鬼金棒最少要食兩次先得
玉米荀鮮甜爽口，份量仲真係好多，畢竟自己去超市買唔平，所以我都幾appreciate呢款。
塊厚切日式叉燒點都要講下，其實係一塊炆到非常軟腍入味嘅豬腩肉，味道香甜，肉質幼滑，其脂肪位置可謂入口即溶
Post
