小憩片刻·雞湯·麵·串燒 (Closed)

今次黎食一間係紅磡只係街坊先知既隱蔽養生雞湯麵。小店係內街既巷仔地庫，行過差少少Miss 左。細細既舖仔只能坐幾枱客，不過坐位都算闊落，環境幾乾淨。🔹蟲草花膠雞湯米線🔹店入面既皇牌！湯底係熬足起碼8個鐘既清雞湯，無味精，飲緊住家湯既感覺。雞肉好嫩，花膠好大塊又厚身十分足料米線非常爽滑，成碗麵份量好足而且好健康！🔹燒汁牛肉淮山麵🔹肥牛肥瘦均勻，份量多，清雞湯湯底淋上燒汁後，味道更香濃，我特別轉左淮山麵，幼幼的麵質亦爽口彈牙。🔹黃金雞翼🔹煎炸過既雞翼外皮裹上鹹蛋黃令表面更加鬆脆。同時令肉汁鎖住係雞肉入面，非常惹味又邪惡。🔹上湯雲吞🔹皮薄餡靚既雲吞，咬落去爆汁，餡料用上原隻大蝦，好爽彈。🔹串燒🔹點了牛舌、雞腎、雞軟骨同韭菜，味道有驚喜，重口味既人一定鐘意，好重孜然味，揀左中辣仲惹味，燒得恰好，有肉汁不會乾爭爭，拍得住串燒專門店。唯一要挑剔係款式比較少。