Thirty First of May (Closed)

見到荃灣新開了一間餐廳，好似食物幾好，氣氛又唔錯咁，於是就book咗一日特登入嚟荃灣試下😝搭西鐵到荃灣西近荃灣廣場嗰個出口行過去都幾快，佢外觀都幾Grand, 你遠都見到大大隻招牌寫住Thirty First Of May。估唔到入到去仲Grand，入到去第一時間會比佢上方嘅大月亮同埋身邊嘅燈飾所吸引，仿如入左一個宇宙星球系，時尚又充滿神秘色彩。食物方面，我哋揀咗一個$588澳洲M5和牛肉眼扒套餐，包括麵包餐湯餐飲，一份前菜一個main course同埋一份牛扒。佢會用蒸籠呈上兩片麵包，哈哈，幾有特色，每片麵包煙韌紮實。前菜方面，我哋揀咗煙牛油果三文魚沙律，感覺清新，加埋酸酸甜甜嘅醬汁胃口大開。😋餐湯方面是日餐湯係甘筍忌廉湯, 另外還可以加黑松露野菌忌廉湯，我哋就每款揀一碗，兩碗湯都幾大碗甘筍湯就幾清甜，黑松露湯浸煤氣味濃烈得來幾好飲！跟住就開始上主菜我哋揀咗個黑松露野菌蘑菇飯，佢嘅意大利飯煮得相當唔錯，至少唔係好硬身，芝士忌廉融為一體，黑松露同埋雜菌嘅香味撲鼻，啖啖都好濃郁，不過份量唔算多，我呢個大胃王好快就食晒。最後就係重點澳洲M5和牛肉眼扒，我地點左五成熟，佢有三小片，薄薄的不算