龍城冰室

Open Now

Now Closed

平時返工就成日經過，有機會食到。今日順便有寫一寫個評論。餐廳每一個月都會有啲新嘢搞，會有特別優惠，晚餐嘅時候比客人食。今個月就有食夠$110 ，+18送出花膠雞煲，非常誇張🤣。不過一個女仔，就唔食咁多嘢啦，其他人得閒可以試吓。餐廳裝修都唔錯。印尼炒飯個人較喜歡東南亞口味嘅食物，所以叫咗個印尼炒飯，炒飯都算乾身，粒粒分明，有甜醬烤雞肉串，同有蝦片，令我驚喜嘅係有燒鵝粒，配料好足，口味較濃，適合重口味嘅朋友，份量係一個壯漢嘅食量！綜合水果茶橙汁嘅底，各種水果粒，飲起上嚟有啲果肉咬下，都幾好玩！