三盞燈茶座 (Moved) New Location

哩排香港人又開始興返啲戶外活動，行山啊 露營啊 等等。亦都有好人想比較輕鬆啲，選擇左去個遠足行下離島咁。咁岩小編又屬於比較懶嘅人，本身都係搭車去睇下大佛就打算回程走（曬一曬都見攰），但結果係比朋友半推半就嘅情況下呢就入左大澳行個圈。本住有得坐就唔行嘅宗旨呢，係遊大澳嘅期間呢，就見到一個好有舊式燈籠裝飾嘅地方，仲見到有人食野，哩個時候我就知機會黎啦飛雲！！！！我馬上開始扮死嗌攰，同行朋友都知我想點，就馬上搵路去搵食。😏😏穿過一間間排屋行過一條橋後就哩到哩間 - 三盞燈茶室🏮🏮，係同老闆傾談下得知，原來哩間茶室係佢地嘅祖屋黎嘅，老闆幾兄弟姊妹都去曬外國生活，有時放假返黎，見到成長嘅機方受到蟻害老化，就決心重整哩間祖屋，並決定將佢地係大澳嘅故事分享比朋友聽👪。故仔講到咁上下啦，講返野食先，因為茶室地方有限只能夠供應到啲輕食，所以我地今次就叫左一個老闆推薦嘅大澳魚餅🥠，一個芝士蛋糕🥧，同埋咸檸檬梳打🥂。魚餅食落幾彈牙亦無魚腥味，咸檸檬梳打先係最正，檸檬香味好出而且好解渴飲落感覺好清新，唔會好似咸檸7咁咸同咁重味。不過就略嫌蛋糕就普通啲，正常發揮。不過茶室嘅價錢就小貴，如果係五六點黎到睇夕陽嘅話