牛摩 (荃灣千色匯I) (Closed)

平日經過千色匯，見到呢間做緊A5和牛放題做緊半價優惠價錢好抵食，每人都係二百零蚊，平日食個普通邊爐都唔止，一於試試！選咗兩款湯底牛骨湯同埋博美人骨膠原啫喱雞白湯骨膠原雞白湯呈乳白色，味道清甜，推薦👍先食A5和牛🥩牛肉味濃，雪花分布平均🫶🏻呢隻A5和牛唔會太肥膩，所以食得多都唔會覺得滯，而且仲係任食，係任食！！真係冇得輸！😎另外牛小排都推介，肉質鮮嫩，有豐富嘅脂肪！而牛舌味道就中規中矩！出面有唔同嘅火鍋配料任君選擇而且仲有壽司同沙律等等！夠晒豐富海鮮選擇都幾多，廣島蠔好肥美，而海蝦夠彈牙！嘢飲選擇都好多咖啡果汁汽水等等都有！最後仲有個甜品櫃，有泡芙布甸等等，食到好飽🫶🏻🫶🏻