京日本料理 (Closed)

迷人uncle與美人姐姐每年都會最少去一次日本旅行，明顯地對日本美食非常愛好 。二人工作時間唔定時，喺香港o既時候絕大部份時間都係外出用膳，亦會乘機四周找尋高質抵食o既和食料理，每每有新發現，更會第一時間與肥肥家族分享！今次o既好介紹係一家位於西環o既「京日本料理 Kyo Japanese」。自港鐡西港島線正式通車後，由灣仔去堅尼地城十五分鐘有找，勁方便！新地鐡站果然光鮮過人，前往C出口時，見到個被切開兩邊o既鐡蘋果藝術品，結果都忍唔住影咗兩幅相 。「京」離地鐡站步行只需三分鐘，啡色o既門面並不起眼，牆上用燈暗射o既招牌只印有店子o既英文名稱「Kyo Japanese」，神秘低調，幸好手持地圖咭片，總算唔係太難搵。食店室內燈光暗淡，裝修同門面一樣簡單樸素，只有中央o既壽司吧及兩位師傅身處o既開放式廚房有燈照明，焦點舞台所在 ，極之明確。當晚派對九人，剛好坐滿壽司吧，雖然旁邊有兩張散枱，但其他食客都揀喺私人房間進食，我地就好似包場咁，尤其舒適。迷人uncle宴客，由美人姐姐打點，務求要試盡即日送到o既新鮮食材，一早更預訂「廚師發辦」，非常盛設 ！唔知係咪熟客o既關係呢，除咗年輕有