安利魚蛋粉麵

Open Now

Now Closed

之前一直都有聽過喺筲箕灣東大街有間「名人魚蛋粉店」叫「安利魚蛋粉麵」係相當遠近馳名，所以今日下午我們喺柴灣探親後，就特意搭車去食個下午茶！一去到就見到有好多人客喺門口排隊等位入座同等外賣，心諗出品應該係好好，所以先會有咁多人客願意等！等咗一段時間，終於到我們入座喇！我們分別叫咗最出名最多人客叫嘅魚蛋河同切腩河！落單後唔超過一分鐘，可以話係「即叫即到」嘅效率！「就咁睇」個賣相都算幾吸引，點知一食就覺得「出事」喇！啲魚蛋係經過長時間浸泡著，所以質感係又鬆又散，完全係淡而無味，以為好似食緊一件扮魚蛋嘅豆腐咁！而切腩嘅肉質都幾爽滑鬆化，肉味亦好濃郁！至於河粉就係我們覺得最讚，因質感相當爽滑彈牙，而且份量十足！總括：如果老闆唔係諗著唔想流失啲人客，可以做多幾輪生意嘅話，就唔會將啲魚蛋一直放喺湯底度，做到「即叫即到」嘅效率，而令到魚蛋嘅出品質素變差！本人覺得老闆應該回想返當日點解點解開店賣魚蛋粉嘅初心，係人客嚟到落單後「即叫即製」，而唔係今時今日嘅「即叫即到」！