御品軒 (Closed)

好早食飯好快就肚餓，又係時候出去搵食啦。諗住去發記食楊支金露，點知(其實都應該估到架啦)排長龍。望一望突然見到依間「御品軒」。友人即刻問左一句「咦? 新開架?」我都呆左一呆諗左一諗...都好似一直都係度架喎。可憐的食店! 畀發記同板前搶去太多風頭啦! 成日經過去世貿都未曾留意到佢，令我突然諗起一段歌詞...「過去我已在這裡　但太小未被　在意吧 而他　和他　和她包裝比我美　舉止比我誇」...今日終於留意到依顆細沙既存在! 見佢又唔駛等就入左去啦!依間野專賣甜品，尤其係主打水牛奶，同埋都有d粉麵食!我要左個龍眼水牛奶 (唔太記得個exact name) 來到時彷彿畀人呃左畀 -_-" 一碗奶，入面有數粒縮晒水既龍眼。真係龍眼+牛奶喎，我仲以為會煮下or加d唔知咩野添。味道都ok，d水牛奶比平時牛奶香。龍眼都甜不過同牛奶好似係兩樣野「格arn」擺埋一齊。朋友C叫了一碗崩沙腩河。崩沙腩反而唔錯喎 @_@ 朋友S就叫左一個芒果甜品同一個怪怪地水餃，超奇怪我都廢事試。依間野質素都過得去咁啦。如果唔駛等既話都可以入去坐坐。