Felice Cafe & Pasta (Closed)

Felice Cafe & Pasta位於希雲街，餐廳面積相當細，係門口一眼睇曬，座位之間比較擠迫。不過見到佢門口既迷你連儂牆就不得不支持Felice。餐廳主打意粉同薄餅，亦有芝士奶蓋等特色飲品。- 蟹肉鹹蛋黃意粉😋餐廳用左扁意粉，軟硬度適中，有Al dante口感。鹹蛋黃味好香，味道唔會過鹹，所以食完都唔駛飲水。鹹蛋黃味唔會掩蓋蟹肉既鮮甜。蟹肉唔算多，但每一啖意粉當中都嚐到少少蟹肉。- 海膽黑松露忌廉汁扁意粉😋海膽呈金黃色，質感幾滑溜，甜甜地帶微微既苦澀。意粉同樣左扁意粉，，忌廉汁稠身夠creamy。雖然黑松露味唔夠出，但忌廉汁太出色，令我食唔停口。- 碟豆花白桃梳打加左碟豆花令飲品變成紫色，咁夢幻嘅顏色係女仔都鍾意。- Iced hazelnut latte 咖啡來講呢杯份量算大，而且唔算太甜。Felice Cafe & Pasta有驚喜，估唔到兩款意粉都好出色，加上餐廳咁正義，我一定會繼續支持Felice Cafe & Pasta。