風花雪月 (Closed)

難得有幾位之前旅遊時候認識嘅朋友黎到香港，緊係要帶佢地食餐好啦！上完山頂落返黎，有人建議食日本菜。因為之前做野經過大道東，見到餐廳個名幾特別就記低左「風花雪月」。電話問完，仲有位就過左去食。第一個感覺就係好型，個陣真係諗唔到係日式。高級日本料理間中都有食，原來餐廳有三層，每層各有特色。一樓食西餐甜品；二樓食鐵板燒；三樓食壽司；應該新開無耐 環境好新，餐牌選擇類類多，食日本菜嘅你，一定有心水，龍蝦刺身都有。首先我地試下個前菜漬物先，有魚蛋夾wasabi 、麵豉蘿蔔、螢光魷魚。魚蛋夾wasabi 三文治？好特別，麵豉蘿蔔就更開胃，魷魚有點黏黏嘅口感，咬落去好新鮮美味。沙甸魚苗薄片，真係整到超薄，好香好脆，值得一食刺身五款，鮫鰈魚、鰤魚、拖羅、笠貝、金目鯛。鮫鰈魚細嫩入帶點緊實，魚肉鮮甜。鰤魚其實就係油甘魚，一般繁殖場養既都叫油甘魚，只有少數野生品種叫做鰤魚，所以肉質同油甘魚好似，帶有油甘魚既香氣，重點係鮮舔過一般油金魚好多，帶有淡淡的油甘魚香。仲有山椒銀魚炒飯，飯炒得香，粒粒飯都充滿蛋味，配料好多，口感與味覺都不錯！期待下次黎試埋個鐵板燒先！