Video
Read full review
2017-07-16
2296 views
※本文以用餐當日的環境、服務和食物質素為準，口味亦因人而異，文章只作參考之用。-銅鑼灣澳門逸園中心成座都好多餐廳，今次就去左間食泰國菜Siam28，之前係IG上見到有煎糯米飯已經一早加入waiting list，其他菜式既賣相都好吸引，讓人好期待啊！餐廳環境唔算大，但就裝潢得頗骨緻整潔，有別於一般食泰國菜的餐廳，比較似食西餐。我們坐靠窗的位置，晚上可以望出窗外，令人感覺放鬆。餐牌上的菜式種類很多，較特別的有「炸女婿蛋」、「芒果煎糯米飯」、「炸通菜」、「炸特式鮮豬肉腸」也是比較少見的。「炸女婿蛋」即係炸鵪春蛋，可惜係今晚未能試到，通常呢類炸物都係又香口又邪口，好涮咀。(餐牌太多放在文末)Open Food $10每一位客人餐廳都會跟一個Open Food，係一碟五款不同口味的泰式醬料，可以用黎搭配唔同既食物。好似綠色同紅色主要用黎點海鮮，青辣椒（綠色）會比較辣，紅色主要點泰式生蝦，另外仲有豬手汁同豬頸肉汁等。燒豬頸肉 $88向來食泰菜豬頸肉係小妹必點之菜，一碟份量都幾多。食落有燒過的味道，肉質咬落爽口，味道都唔錯。冬蔭公 $118冬蔭公一鍋上桌，大約分到3-4碗，湯內有4隻蝦同蘑菇等，驟
-
銅鑼灣澳門逸園中心成座都好多餐廳，今次就去左間食泰國菜Siam28，之前係IG上見到有煎糯米飯已經一早加入waiting list，其他菜式既賣相都好吸引，讓人好期待啊！
餐廳環境唔算大，但就裝潢得頗骨緻整潔，有別於一般食泰國菜的餐廳，比較似食西餐。我們坐靠窗的位置，晚上可以望出窗外，令人感覺放鬆。
餐牌上的菜式種類很多，較特別的有「炸女婿蛋」、「芒果煎糯米飯」、「炸通菜」、「炸特式鮮豬肉腸」也是比較少見的。「炸女婿蛋」即係炸鵪春蛋，可惜係今晚未能試到，通常呢類炸物都係又香口又邪口，好涮咀。
(餐牌太多放在文末)
Open Food $10
每一位客人餐廳都會跟一個Open Food，係一碟五款不同口味的泰式醬料，可以用黎搭配唔同既食物。好似綠色同紅色主要用黎點海鮮，青辣椒（綠色）會比較辣，紅色主要點泰式生蝦，另外仲有豬手汁同豬頸肉汁等。
燒豬頸肉 $88
向來食泰菜豬頸肉係小妹必點之菜，一碟份量都幾多。食落有燒過的味道，肉質咬落爽口，味道都唔錯。
冬蔭公
$118
57 views
0 likes
0 comments
冬蔭公 $118
冬蔭公一鍋上桌，大約分到3-4碗，湯內有4隻蝦同蘑菇等，驟眼望落賣相唔算吸引，飲落味道偏酸帶嗆喉感，惹味度只屬一般。小妹好鍾意飲冬蔭公，可惜呢鍋取悅唔到我，不過男人就話幾鍾意。
馬沙文咖哩 （可跟薄餅/米綠）
$118
46 views
0 likes
0 comments
馬沙文咖哩 $118 （可跟薄餅/米綠）
馬沙文咖哩出名椰汁味重，完全岩晒小妹口味，材料有薯仔、四季豆、椰菜花同牛肉等，另跟三塊烤餅可以黎蘸咖哩汁，食落唔辣帶香甜椰汁味，真係好好食啊！
炒鮮蝦金邊粉
$118
49 views
0 likes
0 comments
炒鮮蝦金邊粉 $118
金邊粉個賣相夠晒靚，有埋網格蛋皮包住，上面放左三隻已去殼大蝦。
金邊粉炒得岩岩好，唔會太乾或太濕，調味恰到好處，甜中帶酸，唔會偏重某一味，食落相當開胃。灑上小妹至愛既花生碎，又香又惹味。
芒果煎糯米飯
$88
45 views
0 likes
0 comments
芒果煎糯米飯 $88
而家除左長洲有煎糯米飯食外，原來呢度都有喇，黎呢度之前已鎖定左要叫返份。
芒果煎糯米飯
$88
79 views
1 likes
0 comments
一塊塊糯米飯煎到金黃色，咬落多左份微脆像飯焦的口感，中間又不失糯米飯原本煙煙韌韌的口感；配上香甜煉奶同芒果，味道唔錯又特別，不過芒果可以再甜一點。
泰式炸香蕉
$78
55 views
0 likes
0 comments
泰式炸香蕉 $78
泰國的街頭炸香蕉亦都相當出名，所以餐廳也推出了一道甜品炸香蕉。落單後即點即炸，一碟有四件，面頭仲加左朱古力漿。炸粉皮咬落相當脆，裡頭係滿滿的香蕉肉，味道可以，但驚喜度不大，還是較愛煎糯米飯。
餐牌部份
Other Info. :
題外話：小妹就覺得Open Food收費有點奇怪，因為未必人人都會用得上呢五款醬料，而且本身唔同菜式都應該配合返相應既醬汁？要額外比錢好似有點不合理，如果Open Food係一些小食感覺會較好。
(The above review is the personal opinion of a user which does not represent OpenRice's point of view.)
Post
