Video
Read full review
2022-05-21
14885 views
自第五波疫情放寬後，第一件事就係想見吓朋友，所以預先Book 位同幾位好友食 Buffet 。食Buffet 優點系吾使就黎就去，而港島香格里拉 cafe TOO 一向是我的首選，因為它有三大優點。一：環境超寬躺，餐廳內有十個「美食劇院」均配備美食烹調櫃檯，各具特色。每個 section 分得非常清楚，讓客人好容易搵到自己的喜好。二：服務貼心客人對洒店級服務基本上都一定有要求，我覺得Cafe TOO 職員每個細節上啱啱好，Buffet 最緊要執枱快，佢地好快幫我清枱，適當時間詢問客人需要，不 Over 也重要。三：它們不久就會推出不同主題，今期是「港式 • 港食」自助餐， 精心挑選香港具代表性的著名食府以輪流進駐的方式，呈獻港式地道美食巡禮。首輪登場共五家人氣食府，包括米芝蓮星級餐廳「夏宮」中菜廳與「一樂燒鵝」，以及幾代以家庭式 經營的餐館「安利魚蛋粉麵」，「妹記生滾粥品」和「檀島咖啡餅店」等，梗有一間大家品嚐過，而且仍然回味中。中午自助餐時間由11:30 - 2:00我習慣先在餐廳內巡一次，最吸引眼球絕對是五間主題餐廳，而每家餐廳的攤位設計別具心裁， 以通花玻璃門窗、仿古招牌、復古花
食Buffet 優點系吾使就黎就去，而港島香格里拉 cafe TOO 一向是我的首選，因為它有三大優點。
一：環境超寬躺，餐廳內有十個「美食劇院」均配備美食烹調櫃檯，各具特色。每個 section 分得非常清楚，讓客人好容易搵到自己的喜好。二：服務貼心
客人對洒店級服務基本上都一定有要求，我覺得Cafe TOO 職員每個細節上啱啱好，Buffet 最緊要執枱快，佢地好快幫我清枱，
適當時間詢問客人需要，不 Over 也重要。
三：它們不久就會推出不同主題，
今期是「港式 • 港食」自助餐， 精心挑選香港具代表性的著名食府以輪流進駐的方式，呈獻港式地道美食巡禮。
首輪登場共五家人氣食府，包括米芝蓮星級餐廳「夏宮」中菜廳與「一樂燒鵝」，以及幾代以家庭式 經營的餐館「安利魚蛋粉麵」，「妹記生滾粥品」和「檀島咖啡餅店」等，梗有一間大家品嚐過，而且仍然回味中。
中午自助餐時間由11:30 - 2:00
我習慣先在餐廳內巡一次，最吸引眼球絕對是五間主題餐廳，而每家餐廳的攤位設計別具心裁， 以通花玻璃門窗、仿古招牌、復古花磚等裝飾重現，讓食客感受一股濃厚的「老香港」情懷。
重中之重，當然要試吓「夏宮中菜廰」
蜜汁叉燒和玫瑰豉油鷄。厚切蜜汁叉燒肥瘦均勻，甜度恰好，有嚼勁但不靭。
「玫瑰豉油鷄」口感油潤，但並非肥嗰隻，又香又嫩，不會死咸，雞肉微微滲出花椒八角芳香，調味得宜，果然水準超班。
「一樂」鵝皮又脆又薄，鵝肉香嫩，油香澎湃，加埋自製酸梅醬，超正！
之後返回冷盤區，刺身、壽司當然不缺，海鮮有約4-5 款選擇，最吸引首選爆膏「麵包蟹」，蟹膏超濃郁，超正！
吃過冷盤後要吃點熱嘢暖胃
先整返串地道小食 「龍蝦汁港式魚蛋」
估唔到鱼蛋同龍蝦汁又幾match ，大家都係鮮味，不過魚蛋吾算十分彈牙，魚肉感較強，大大粒好飽肚吓。既然Turbo開着左我就要開始食廣東點心，蝦餃燒賣在所難免，而且還有我至愛嘅麻蓉包，唔係有多地方可以食得到所以我即刻食咗兩個，太正啦！
之後還有泰式串燒，烤雞、燒牛肉、蒸魚、忌廉汁意大利雲吞 👍🏼👍🏼👍🏼 妹記「魚腩粥」、安利「魚蛋、牛丸、牛根撈麵」
都要食㗎，美食簡直多不勝數，但幾飽我都要食埋甜品先至滿足到，一口甜品有成十幾款，食多兩球Häagen-Dazs 雪糕就可以收工了，超滿足梅子醬咸檸七
比個價錢大家參考一下，我就梗係平日去食，慳返一截 🤩$498 Monday to Friday
$558 Sat
$708 Sunday and Public Holiday
Post
