Video
Read full review
2023-03-16
1733 views
今晚同老婆都做一晚「無飯夫妻」，因為佢忙，我又忙，大家懶一晚費事煮，索性買外賣返屋企食。咁住喺長沙灣嘅親友推介呢間西餐廳「Ricco」，話佢哋嘅出品唔錯，加上外賣自取又有9折，叫我不妨試吓。 餐廳門面窄窄，望入去都唔覺得大，但原來個鋪好深長，只喺彎嚟彎去，用餐區就分開咗幾截而已。整體以簡約木系裝修為主，四周牆上就掛咗好多裝飾畫作點綴。 寧寧舍舍晌門口仲有兩個位，原來喺店主專登鎅出嚟俾啲帶寵物嘅客人坐。睇睇個外賣單張，食物選擇好多元化，小食啦、牛角包啦、湯品、飲品、主食方面有多種飯品、溫泉蛋系列、咖喱汁蛋蓋飯系列、意粉……等等。而且，有好多加配優惠，呢度採用櫃位落單，再聽號碼到出面取餐。 另外，收銀側有個顯示屏，仲有啲全日套餐，喺抵食之選，定價$58-$78，包埋熱飲，除可以加錢升級飲品外，更可以加$10追加一個湯，你話喺咪化算好多。 嗌咗一個小食、兩個主食、一客湯及一杯飲品，一大袋食物，夾夾都只折咗都只喺$184，仲食得我哋好飽。 水牛城雞翼 $35以加配價試番一份水牛城雞翼，非常之抵，一客有4四大隻，雞翼醃得入味，加上落嘅醬料足，食落超惹味，酸酸甜甜，又有份煙燻香，拎到返屋企食都仲保
餐廳門面窄窄，望入去都唔覺得大，但原來個鋪好深長，只喺彎嚟彎去，用餐區就分開咗幾截而已。整體以簡約木系裝修為主，四周牆上就掛咗好多裝飾畫作點綴。
寧寧舍舍晌門口仲有兩個位，原來喺店主專登鎅出嚟俾啲帶寵物嘅客人坐。
睇睇個外賣單張，食物選擇好多元化，小食啦、牛角包啦、湯品、飲品、主食方面有多種飯品、溫泉蛋系列、咖喱汁蛋蓋飯系列、意粉……等等。而且，有好多加配優惠，呢度採用櫃位落單，再聽號碼到出面取餐。
另外，收銀側有個顯示屏，仲有啲全日套餐，喺抵食之選，定價$58-$78，包埋熱飲，除可以加錢升級飲品外，更可以加$10追加一個湯，你話喺咪化算好多。
嗌咗一個小食、兩個主食、一客湯及一杯飲品，一大袋食物，夾夾都只折咗都只喺$184，仲食得我哋好飽。
水牛城雞翼 $35以加配價試番一份水牛城雞翼，非常之抵，一客有4四大隻，雞翼醃得入味，加上落嘅醬料足，食落超惹味，酸酸甜甜，又有份煙燻香，拎到返屋企食都仲保持到皮脆肉嫩，實在好正！
水牛城雞翼
$35
11 views
0 likes
0 comments
老婆一向鍾意飲湯多過飲啲嘢飲，尤其啲蔬菜類湯品，所以，專登嗌呢個羅宋湯俾佢。大讚個湯好飲，除咗味道濃郁之外，酸香細緻，仲帶少少辣勁，湯內又有好多材料。
芝士焗南瓜汁海鮮飯 $78南瓜汁向來都喺我同老婆嘅「飛弗」，所以，揀咗呢個焗南瓜汁海鮮飯，個焗飯都喺即叫即焗，所以，相對等得比較耐，不過，等耐啲都值得，因為個焗飯真喺好得。南瓜汁底加埋啲芝士，令到啲飯好好味，加上飯粒軟熟，而海鮮料包括鮮蝦啦、蜆肉啦、魚柳啦，用料不賴，味道鮮甜，唔錯！唔錯！
芝士焗南瓜汁海鮮飯
$78
12 views
0 likes
0 comments
鮮茄雜菜炒意粉 $58老婆話佢嘅炒意粉有驚喜喎，呢個意粉屬於清新型，因為一嚟喺素食，只有雜菜，二嚟喺蕃茄汁底，所以食起嚟比較清新，三嚟個蕃茄汁幾濃郁，茄味酸香鮮活，啲意粉又炒得啱啱好，好有咬口，再者，啲茄子、翠玉瓜都食得出另外炒過，唔喺烚完就咁加落去，食味一流，雖然簡簡單單，但就啱晒佢口味！
鮮茄雜菜炒意粉
$58
11 views
0 likes
0 comments
西餐都喺揀番杯咖啡作結，好搞嘢，揀普通咖啡、泡沫咖啡、拿鐵都喺加同一個價錢，所以，無理由唔揀拿鐵啦。雖然唔喺咖啡店沖泡嘅層次，都喺機沖，但質素亦唔差，咖啡味幾醇和，況且，只喺加$10，你仲想點！
我老婆都幾嘴叼，佢平時食嘢都好少讚，不過，今次呢餐外賣除咗啲嘢食啱佢口味，做菜嘅質素確喺有番咁上下，所以，佢都讚呢一餐好食，真喺多謝親友嘅好介紹。
Post
