玻璃屋

Open Now

Now Closed

「玻璃屋」大大份椒鹽雜扒飯炒底店面姐姐好好禮貌，雖然裝修就比較舊啲，但無損我想食好西的心情。店主小本經營，人手有限，要等姐姐得閒行出嚟先落到單，但姐姐都幾好人，今日我選擇外賣拎走，雖然有少少扣分，但係趕住返去湊仔所以無辦法啦。次次嚟都係必叫呢個椒鹽雜扒飯炒底，上面有大量嘅蔥花，好香！入面有火腿、腸仔、雞扒同埋豬扒，同埋充滿鑊氣既炒飯底，足料至極，而且份量好多，食量如非超乎常人，正常可以分開2餐食，非常抵食呀！炸過既豬扒、雞扒好軟身，最怕太硬嘅扒類。外脆內軟，覺得都算入味，仲配搭埋腸仔火腿，好邪惡，飯面仲有少少辣椒吊味，真係絕配呀！ 而嗰個炒飯底，好乾身，感覺係似用隔夜飯去炒，粒粒分明，每粒都包滿蛋。好欣賞小店嘅服務態度，下次必定會再嚟！