麺匠 真武咲弥 (Moved) New Location

今日下午我們喺灣仔做完嘢之後，周圍行吓睇吓搵邊間店舖食下午茶，行到去春園街見到一間好有日式感覺嘅拉麵店叫「麵匠 真武咲弥」，所以我們就入咗去食下午茶！我們叫咗灸熱醬油拉麵同灸熱味噌拉麵，拉麵嘅麵質係比較粗身，同平日食開嘅唔同，質感非常煙韌彈牙，而叉燒嘅肉質第一啖食落去覺得比較乾身，所以要浸喺湯入面一陣先食會好啲啲，至於湯底方面醬油湯底嘅味道充滿著醬油嘅鹹香，而且相當香濃，而味噌湯底嘅味道超級濃郁，雖然有濃濃嘅豬骨香味，但感覺有啲過鹹！由於係下午茶時段嘅關係，所以拉麵嘅份量祇得半份，感覺好似唔係好抵食！