大中華飯店 (Moved) New Location

Item: Tai Chung Wah Restaurant
Rating: 4
Author: ryu_ng

Tai Chung Wah Restaurant

3.5

373 Reviews

Taste

Decor

Service

Hygiene

Value

21292

Cheung Sha Wan

$101-200

Guangdong Seafood Dai Pai Dong Salt & Sugar Reduction Restaurant

199

Info:
Restaurant:	Tai Chung Wah Restaurant

To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html

ryu_ng

Level4

804

136

Read full review

5月21是佛誕, 同事提議前一日去食餐勁, 來一場佛誕前的肉食宴

選左呢度, 係因為同事提議, 大中華我連聽都未聽過, 真係多得OpenRice, 唔係我都唔知道

名字如此"娘", 能有多好食? 原來呢度係名人飯堂, 根本不用甚麼宣傳, 也客似雲來, 眼見坐底都似係識途老馬, 熱鬧既氣氛令到我更加期待

早早已經訂左位, 亦都準時到達, 都要等左一陣先有得入, 而且仲分派左後巷既一張有冷氣機滴水既檯, 可惜真係太爆, 想換都無得換

值得一提係我地有經過室內, 迫唔在講, 仲聞到好大陣油煙味, 後尾先知原來係黑椒鐵板豬手既味, 因為未開行冷氣, 黑椒鐵板味久久不散, 所以如果唔介意, 我認為外面雖然污穢但更好坐, 不過要小心可能有老鼠行過也不足為奇

黑椒鐵板豬手: 認真色香味俱全既一味, 色是賣相, 一上檯已然令人興奮, 咁大隻豬手, 除左食元蹄之外真係少見
鐵板一上, 白煙依舊, 感覺就像鋸扒餐一樣, 黑椒汁芝芝聲, 黑椒香味撲鼻而來, 影相更加連煙都影到, 影相過後, 刀叉起動, 豬手嫩滑一切即開但中間並無唔熟跡象
豬手份量十足, 八人食都桌桌有餘, 肉質鮮嫩彈牙滑溜兼而有之, 豬皮唔肥, 豬手+豬皮再吸收埋黑椒汁, 簡直是黑椒牛仔骨的超強力版, 就連洋蔥我也不放過一掃而空, 如果不是留肚繼續, 真是想再來一客

清蒸花甲: 是日無花甲換左做蜆, 這碟完全是吃其鮮味, 甜酸醬反而破壞了, 蜆無沙, 蒸得隻隻開口唔黐殼, 清酒味適中
人年紀大左, 開始喜歡吃其原味, 食得多豉椒炒蜆, 清蒸絕對是另有一番風味

琵琶豆腐: 是晚最精彩既一味! 我地一order店員已經話我地識貨, 可見佢地對琵琶豆腐係幾有信心
琵琶豆腐件頭適中, 如不怕熱大可一口一件, 琵琶豆腐炸面不油膩但異常香口, 肉裡豆腐更加係滑不溜口, 能食到蝦味鯪魚肉味, 但完全感覺不到鞋口, 可想而知攪得幾均衡, 是另一味食完想再encore之作

南乳吊燒鱔: 雖然名字是吊燒, 但其實像炸鱔的一味, 炸得香脆鬆化, 完全感覺唔到有骨, 南乳入味之餘不會搶去鱔味, 又是另一不點醬更佳的菜式

冰鎮墨魚: 賣相不佳, 但墨魚鮮味彈牙, 再配上豉油山葵, 就跟食刺身沒兩樣, 可是因為之前菜色太出色, 相比之下真的比下去, 如能第一碟來到先作前菜, 效果會更佳

蜆芥鯪魚球: 補飛之叫, 鯪魚球炸的香口, 鯪魚肉彈牙鮮味, 可惜我不愛蜆芥, 沒汁沒湯之下感覺有點兒寡, 不過不怕, 大排檔最好啤一啤, 此絕對是佐酒良品

炭燒乳豬: 另一主角登場, 沒訂根本沒可能吃到, 因為準備工夫真的需時, 整晚都不停見到侍應送乳豬&豬手, 日賣數百隻果然是『真的假不了, 假的真不了』
乳豬是『光皮乳豬』, 還記得看過飲食節目, 光皮乳豬因為是用慢火所以功夫需要更多, 如果想食千萬要訂
乳豬超香脆, 皮下一少層肥膏再連一小片豬肉, 不像酒席般皮還皮肉還肉, 整件吃能一口感覺到皮、肥、肉三者既交響樂, 甚麼膽固醇過高也完全拋諸腦後, 甚至令人想打包豬頭回家煲粥再戰!

咸魚蒸肉餅: 另一補飛之作, 肉餅好薄, 煎得金黃香口無油, 大排檔都切件上真的非常細心, 咸魚肉餅攪得均勻, 每淡都食到咸魚同肉餅, 唯一要挑剔係咸魚過咸, 多食幾件之後感到好口乾

海味什菜煲: 漏單, 但補飛都真是好快, 最後一味食菜正好清清地
什菜煲足料, 粉絲蝦米魷魚鬚一應俱全, 湯底也不俗, 再配上時菜, 食落鮮味不淡口, 作為總結最好不過

如此份量, 八勇士每人只需$106, 絕對味道價錢俱備

香港好食既大排檔小炒已經買少見少, 好慶幸自己有機會食到, 下次會同屋企人再黎幫襯一次

如果呢度叫『大中華飯店』, 我相信黎得既都係『中華英雄』或『中華兒女』, 如果當時全宇宙最好打既甄子丹大呼『我要打十個！』, 那我會係度大呼『我要食十碟！』