Video
Read full review
2021-10-25
436 views
早幾日同家姐去左旺角食雞煲火鍋放題，已經好幾年冇食雞煲，記得以前食雞煲要一班人搶雞食，慢少少都得番啲骨，呢度啲雞煲無限refill，超級正，有得揀大中小辣，雞煲汁好濃，雞肉好嫩滑，肉汁好多，仲好食過人地冇得refill果啲。跟埋雞煲一齊上枱有一碟餐廳自家即炸嘅響鈴，唔油膩，超級鬆脆，點雞煲醬食，非常惹味。食完雞煲就換煲打邊爐，佢唔係直接加湯落個雞煲打邊爐，係換個煲卑我地揀過個湯底，我揀左濃湯花膠雞，仲有兩舊花膠分開上，烚熟黎食！仲包左每人六款海鮮，今次有鮮鮑魚 刀貝 花甲 蕃薯蜆 帆立貝同彈下彈下嘅海蝦！！！海鮮冇得無限refill，但有得加錢再食，餐廳有幾個大水缸養住啲海鮮，真係好新鮮！！其餘都仲好有好多火鍋野可以叫，丸類餃子肉類魚類，仲有雞子同鵝腸，家姐中意食牛，一個人食左兩大碟，我個人最最最中意佢個龍躉片，無骨，厚肉，個魚皮仲食到好多膠質！！飲品雪糕都好多款口味！！！重點係任飲任食不限時都只係$228加一，真係好抵食，同朋友啲大食朋友去都唔洗驚被佢地食到破產🤪全部超新鮮，物超所值！！
跟埋雞煲一齊上枱有一碟餐廳自家即炸嘅響鈴，唔油膩，超級鬆脆，點雞煲醬食，非常惹味。
食完雞煲就換煲打邊爐，佢唔係直接加湯落個雞煲打邊爐，係換個煲卑我地揀過個湯底，我揀左濃湯花膠雞，仲有兩舊花膠分開上，烚熟黎食！
仲包左每人六款海鮮，今次有鮮鮑魚 刀貝 花甲 蕃薯蜆 帆立貝同彈下彈下嘅海蝦！！！海鮮冇得無限refill，但有得加錢再食，餐廳有幾個大水缸養住啲海鮮，真係好新鮮！！
其餘都仲好有好多火鍋野可以叫，丸類餃子肉類魚類，仲有雞子同鵝腸，家姐中意食牛，一個人食左兩大碟，我個人最最最中意佢個龍躉片，無骨，厚肉，個魚皮仲食到好多膠質！！
飲品雪糕都好多款口味！！！
重點係任飲任食不限時都只係$228加一，真係好抵食，同朋友啲大食朋友去都唔洗驚被佢地食到破產🤪
全部超新鮮，物超所值！！
Post
