Video
Read full review
2023-05-02
473 views
【中西區】【Lau Bistro】最近 foodie 界發生咗件大事，有 foodie 涉嫌向餐廳索取金錢不果，而影響餐廳服務評分。我覺得屈錢又好、鱔稿又好，做咪做囉，最緊要係你做完之後話畀讀者聽，等讀者自行判斷。如果隱瞞，就對讀者唔公平喇。即係以嗰個 case 為例，佢屈到錢的話，咪話呢間交咗「保護費」，所以服務合格。一直以來香港某個好大嘅食評網站都係咁運作，香港人咪又係甘之如飴，有咩資格鬧嗰位澳門 foodie 呀，你哋咪又係幫嗰個網睇、寫食評。對我嚟講，我就唔會主動走去搵餐廳去傾以文章換食物呢啲，冇錢又要食物嘅就去食物銀行啦，何必呃讀者。有做過呢啲嘢嘅 foodie 自己知啦，我唔多嘴。總之我做親呢啲 post 之前都講畀餐廳知我會寫明係試食，讀者最重要。之前我都講過，就係咁嘅原因，夠薑畀我寫到咁明嘅餐廳，一定係對自己嘅食物水準極有自信，只係欠缺啲宣傳所以要加啲力。有餐廳老細話呢啲叫「味自慢」，就係對味道嘅一種傲慢，用食物質素嚟贏嘅，其實怕啲乜呢？就好似我今日同朋友嚟到呢間腐乳主題嘅 fusion 餐廳，係試食又點？佢嗰個位都幾遠離中心地段，需要宣傳吓都好合理。肥仔老細首先推薦嘅
即係以嗰個 case 為例，佢屈到錢的話，咪話呢間交咗「保護費」，所以服務合格。一直以來香港某個好大嘅食評網站都係咁運作，香港人咪又係甘之如飴，有咩資格鬧嗰位澳門 foodie 呀，你哋咪又係幫嗰個網睇、寫食評。
對我嚟講，我就唔會主動走去搵餐廳去傾以文章換食物呢啲，冇錢又要食物嘅就去食物銀行啦，何必呃讀者。有做過呢啲嘢嘅 foodie 自己知啦，我唔多嘴。總之我做親呢啲 post 之前都講畀餐廳知我會寫明係試食，讀者最重要。
之前我都講過，就係咁嘅原因，夠薑畀我寫到咁明嘅餐廳，一定係對自己嘅食物水準極有自信，只係欠缺啲宣傳所以要加啲力。有餐廳老細話呢啲叫「味自慢」，就係對味道嘅一種傲慢，用食物質素嚟贏嘅，其實怕啲乜呢？
就好似我今日同朋友嚟到呢間腐乳主題嘅 fusion 餐廳，係試食又點？佢嗰個位都幾遠離中心地段，需要宣傳吓都好合理。肥仔老細首先推薦嘅小食「腐乳鹹蛋黃炸魚皮」係真係幾具鹹香，炸得又夠脆，又真係收得起人 $68 吖。
之後嘅主食「焗南乳豬手」就要 $288，皮脆肉嫩，個南乳醬都唔錯。而個「冬陰功豬扒配白飯」賣 $68 嘅價錢，感覺平庸啲，係個汁算叫做好。而 signature 嘢「椒絲腐乳卡邦尼意粉」冇令我失望，$98 嚟講非常 okay。
食食吓嘢，感受緊腐乳嘅氛圍，飲返杯 $45 嘅「Lau White」就適合不過。湯力咖啡配上丁點腐乳味，真係幾特別。另外店家送上一枝「潤肺柚子蜜」，我冇份飲，不過聽朋友講都 okay。總括而言，我覺得都算唔錯嘅。
食完飯仲有個 Tour 送，啱晒我呢啲「博物館控」，原來呢度有四位老闆，各自背住唔同嘅人生經歷同故事聚埋一齊，以腐乳為中心扣埋幾個故仔，去表達各自想抒發對人生嘅睇法。腐乳就如人生，時間令佢「有啲嘢嗒吓」咁。。。
（地址：中環結志街 46 號地舖）
@lau.bistro.hk
#1amfoodie #foodie #hkfoodie #thatfoodiething #hkfood #instafood #yummy #foodlover #delicious #1ambackup #1am0615 #globaleats #tastyfood #foodpics #followforfollowback #love #eat #1am中西區 #中環 #中半山 #香港 #laubistro #laubistrohk #腐乳 #腐乳美食 #腐乳鹹蛋黃炸魚皮 #焗南乳豬手 #冬陰功豬扒配白飯 #椒絲腐乳卡邦尼意粉 #LauWhite
15 views
0 likes
0 comments
Post
