拉麵Jo (Closed)

熟悉拉麵嘅朋友相信都知道「二郎系」拉麵，佢係由東京的三田「拉麵二郎」引伸出來的拉麵流派，特色係會以豚骨醬油湯為底，加入蒜泥同背脂，再配上粗拉麵、大大份嘅叉燒同堆到山一樣高嘅芽菜。不過「二郎系」拉麵喺香港唔算太流行，可能因為份量同熱量都太多。😂小編淨係知道深水埗以前有間，樂富依家都有間專做「二郎系」拉麵，但係小編無論日本定香港都冇食過。🙈近排拉麵Jo就出咗「二郎系」拉麵，好奇嘅小編就走去試下，但利申定小編唔知佢正唔正宗，亦唔知佢係咪相對好食。😂Jo二郎拉麵（額外加蒜）$88 （需加一服務費）望落去比想像中大碗，頂部見到有堆炒過嘅蒜蓉，下底有巨量芽菜、適量椰菜、側邊有四大塊叉燒，底層係粗拉麵同背脂醬油湯。先講湯底，溫度夠熱，味道以蒜蓉醬油味為主，背脂存在感唔強，係幫助加返啲厚度，所以入口未至於好鹹好油。但單講湯底，小編唔覺好有特色，而且幾單調，好快覺厭。好彩佢配咗巨量北海道芽菜同椰菜，兩者都好爽脆，配埋湯食會變得清新啲。叉燒有四大嚿，係傳統捲埋之後切片嗰種，每片都幾厚下。而且一嚿有肥有瘦，油脂同肉味都有，但其他調味就少啲，主要食返豬嘅肉味。最後講下佢嘅麵條，佢嘅粗度比沾麵嘅粗麵更粗，食落挺