Video
Read full review
2022-09-25
786 views
相信大家都聽過㗎啦～阿元來了係由台灣人主理嘅小店，裝潢以台灣老街為主題，裝潢可謂極其出色，完完全全令我陷入台灣嘅風情之中。食物亦非常地道，店員都唔係台灣人，CP值極高！- - - - - - - - - - - - - -【美食推薦】🥘-麻辣滷肉飯本身冇諗過麻辣可以同滷肉飯夾埋一齊，但係啊元來了真係震驚左我嘅飲食觀。麻辣味同滷肉味冇互相搶味，而係一碗滷肉飯慢慢滲出陣陣麻辣香。 入口之後辣味唔重，但係後勁非常強，唔食得辣嘅就唔好挑戰啦！-爆蛋雞肉飯蛋煎得非常香，蛋汁好多因為蛋黃非常大個！雞肉係以雞絲形色上盤，令個飯撈起上黎更均勻，每一啖都有豐富嘅雞絲配合住非常吸引嘅蛋黃汁～ 而且一齊撈埋嚟食個口感非常好，份量來講啱啱好！-蚵仔煎呢個蚵仔煎比較特別～ 成個煎蛋係被黏住嘅，所以非常彈牙，非常特別。而且蚵仔非常新鮮，鍾意食海鮮個就推薦呢一味餸啦！- - - - - - - - - - - - - - 【獨家評分】✏️價錢：★★★★★★☆（～$50）環境：★★★★★★★食物：★★★★★☆☆ 食物價錢方面，飯黎講真係唔貴，但係小食同嘢飲就係正常價錢。而環境方面，以一間普通餐廳來講設計真係前所未有，十
相信大家都聽過㗎啦～
阿元來了係由台灣人主理嘅小店，裝潢以台灣老街為主題，裝潢可謂極其出色，完完全全令我陷入台灣嘅風情之中。
食物亦非常地道，店員都唔係台灣人，CP值極高！
- - - - - - - - - - - - - -
【美食推薦】🥘
-麻辣滷肉飯
本身冇諗過麻辣可以同滷肉飯夾埋一齊，但係啊元來了真係震驚左我嘅飲食觀。
麻辣味同滷肉味冇互相搶味，而係一碗滷肉飯慢慢滲出陣陣麻辣香。
入口之後辣味唔重，但係後勁非常強，唔食得辣嘅就唔好挑戰啦！
-爆蛋雞肉飯
蛋煎得非常香，蛋汁好多因為蛋黃非常大個！
雞肉係以雞絲形色上盤，令個飯撈起上黎更均勻，每一啖都有豐富嘅雞絲配合住非常吸引嘅蛋黃汁～ 而且一齊撈埋嚟食個口感非常好，份量來講啱啱好！
-蚵仔煎
呢個蚵仔煎比較特別～
成個煎蛋係被黏住嘅，所以非常彈牙，非常特別。而且蚵仔非常新鮮，鍾意食海鮮個就推薦呢一味餸啦！
- - - - - - - - - - - - - -
【獨家評分】✏️
價錢：★★★★★★☆（～$50）
環境：★★★★★★★
食物：★★★★★☆☆
食物價錢方面，飯黎講真係唔貴，但係小食同嘢飲就係正常價錢。
而環境方面，以一間普通餐廳來講設計真係前所未有，十分精緻完全可以體現到台灣道地嘅風味，真係加分！
食物方面亦十分到位，以呢個價位來講絕對係超晒班！
Post