Video
Read full review
2022-03-31
439 views
哩間餐廳已經食過幾次，每次去食都keep到水準，食物質素唔錯，午餐價錢唔算貴，味道亦好味👍🏻 因為過咗最繁忙午餐時段，所以唔需要等位，落咗單之後亦好快上菜。一人叫一個餐份量已經好足夠，白飯大大碗，啲餸都好大碟，唔一定次次可以食得哂😂 但每次我都必會加一個小食--芝士磨菇雞翼😋午餐選擇都算多，可加配嘅小食款式亦唔少，餐飲可以揀南投炭燒烏龍茶/南投四季春青茶，如果唔啱可以半價轉配其他飲品。✨糖醋魚柳配白飯套餐 $68魚柳大大件數量亦多，配埋幾粒菠蘿。因為我唔食花生，所以職員貼心將三小碟中嘅花生換成雲耳👍🏻 另外仲有碟蒜蓉豆角。糖醋汁酸酸甜甜好開胃😋 白飯係粒粒分明嘅珍珠米，好有咬口，合哂我心意💜✨經典三杯雞配白飯套餐 $68份量大大碟夠哂多，三小碟有花生、蒜蓉豆角、唔食辣都食到嘅麻辣雲耳。三杯雞香滑入味，白飯一樣係咁好咬👏🏻 唯獨一個問題...雞肉以雞翼為主，加上數量多，所以不停噒骨😂✨芝士磨菇雞翼2隻（加配小食）$22哩個絕對係我每次必食之一，無骨雞翼又香又滑，入面包住磨菇同埋香濃芝士，真係可以食好多隻🤤✨南投炭燒烏龍茶（餐飲）餐飲可自由選擇凍熱飲，唔需要額外加錢。烏龍茶大大杯，茶味香濃
哩間餐廳已經食過幾次，每次去食都keep到水準，食物質素唔錯，午餐價錢唔算貴，味道亦好味👍🏻 因為過咗最繁忙午餐時段，所以唔需要等位，落咗單之後亦好快上菜。一人叫一個餐份量已經好足夠，白飯大大碗，啲餸都好大碟，唔一定次次可以食得哂😂 但每次我都必會加一個小食--芝士磨菇雞翼😋
午餐選擇都算多，可加配嘅小食款式亦唔少，餐飲可以揀南投炭燒烏龍茶/南投四季春青茶，如果唔啱可以半價轉配其他飲品。
糖醋魚柳配白飯
36 views
0 likes
0 comments
糖醋魚柳
24 views
0 likes
0 comments
魚柳大大件數量亦多，配埋幾粒菠蘿。因為我唔食花生，所以職員貼心將三小碟中嘅花生換成雲耳👍🏻 另外仲有碟蒜蓉豆角。糖醋汁酸酸甜甜好開胃😋 白飯係粒粒分明嘅珍珠米，好有咬口，合哂我心意💜
經典三杯雞配白飯
26 views
0 likes
0 comments
經典三杯雞
22 views
0 likes
0 comments
份量大大碟夠哂多，三小碟有花生、蒜蓉豆角、唔食辣都食到嘅麻辣雲耳。三杯雞香滑入味，白飯一樣係咁好咬👏🏻 唯獨一個問題...雞肉以雞翼為主，加上數量多，所以不停噒骨😂
芝士磨菇雞翼
15 views
0 likes
0 comments
哩個絕對係我每次必食之一，無骨雞翼又香又滑，入面包住磨菇同埋香濃芝士，真係可以食好多隻🤤
✨南投炭燒烏龍茶（餐飲）餐飲可自由選擇凍熱飲，唔需要額外加錢。烏龍茶大大杯，茶味香濃帶少少甜味，就連凍飲溶咗冰都唔會覺得淡👍🏻
✨小農珍珠奶茶（餐飲半價轉配）$12.5
熱辣辣小農珍珠奶茶，奶同茶比例剛好，茶味濃郁，奶香滑，珍珠唔會太稔或太硬，煙煙韌韌。
🔍整體感覺：餐廳環境衛生都唔錯，食物味道好出色。一個餐有齊前菜、主菜、大大碗白飯，仲包埋餐飲，以咁嘅質素同份量，套餐可謂超抵食👍🏻 大家如果去開荃灣都值得一試🍱
Post
