大紅袍火鍋料理 (Closed)

【大紅袍必試湯底🥰金屋藏嬌😋】今日同朋友同我去太子嘅大紅袍打邊爐😋 餐廳位置方便，裝修雅緻偏中式，今次我地坐卡位感覺舒適👍 📍金屋藏嬌📍餐前小食(花生同埋青瓜)店員首先送上餐前小食，花生炒得香脆，青瓜醃得微酸，好開胃。估唔到湯底都有廿幾款！真係花多眼亂🤣 我地決左點招牌湯底「金屋藏嬌」，招牌一定有保證丫嘛！金屋應該係指銅色嘅鍋？😏藏起來的是非常足料嘅湯料~ 包括鮮雞、冬瓜、竹笙、魚肚、蟲草花、淮山等等如果喜歡清淡又滋補，哩個湯底應該幾啱你！📍安格斯牛頸脊📍西班牙豬肉我哋亦試咗安格斯牛頸脊同西班牙豬肉。安格斯牛頸脊肉質都好鮮嫩，入口即化。西班牙豬肉片肉質柔軟多汁，油香而不膩~📍 炸響鈴拼炸魚皮📍蟹籽墨魚滑最令我驚喜嘅係炸響鈴拼炸魚皮。即叫即炸所以非常新鮮，平時食開既真係無得比~🥰 炸響鈴拼炸魚皮都好好味，魚皮好鬆脆，炸到啱啱好，真係一流！蟹籽墨魚滑好彈牙，食到一粒粒墨魚，真材實料🫰🏻📍萵荀片📍竹蔗水最後，我哋試咗萵荀片同竹蔗水，都好清新好健康。最後店員仲送上雪糕俾我哋做甜品添！整體食物質素高，服務員都好友善，真係一個好好嘅晚餐體驗！