手拉麵小廚

Open Now

Now Closed

又一間新蒲崗名物，食上海菜既小店，地方雖然唔大，但都企理乾淨，姐姐都好好禮貌。豬扒担担湯拉麵，一上枱都忍唔住嘩一聲，塊豬扒成碗麵咁大，仲要係有番咁上下厚度，夠入味又唔會柴，担担湯帶有花生醬香味帶微辣，好啱送麵。拉麵唔係條條一樣粗幼，睇得出係人手拉先做到，食落係微微彈牙既口感。雲吞湯拉麵，雲吞都好大粒，滿滿既餡料，女仔淨係食雲吞已經飽左7成。小籠包好誇張，真係有女仔拳頭咁大一隻，而且外皮都係做得好薄，一口係放唔入成粒小籠包，食既時候要有 d 技巧先得。整體係份量極大又好味，絶對係可以 encore 既餐廳。