Godiva Chocolatier (Moved) New Location

我承認，係要趁有優惠嗰陣先試嘢，咁先食到。終於等到買一送一嘅優惠，godiva出名朱古力好味，睇下佢雪榚會如何。揀咗旺角朗豪坊試雪榚，唔算多人，還好。排隊都睇下佢嘅朱古力佢有三款可以揀，呍尼拿，朱古力同兩溝嘅。我同我朋友各自買一款，借一啖，等於食哂兩款。呍尼拿第一啖係好味，夠濃，不過食耐咗，好膩，好濟。朱古力係失望，味道唔濃，好普通嘅朱古力，比我想像上淡好多。佢甜筒餅邊有啲朱古力碎粒就似樣，餅底都脆口。$25一個還可以（只此一次，再推唔會食），但要我原價$50就no啦，完全唔值！