Video
Read full review
2017-03-04
2610 views
今日放工來到旺角同朋友行街，行到累累地就上網睇下旺角有咩好食。發現呢間Lab 66都好似幾多好評，但價錢又唔算好平，而且位置都唔係坐落於旺角既中心，咁點解都會咁多人去食呢？我決定要親身去探究一下。原來改名叫Lab 66係有原因，因為餐廳既裝修真係好似模仿緊一個實驗室咁樣，工業味濃。牆身上有類似水喉水管嘅裝飾，都幾特別。原來呢間餐廳既面積都幾大，係有兩層架，我六點幾過到黎，都未到最繁忙既晚飯時間，就已經坐到半滿了，睇來呢間店真係有佢既吸引力。食物唔算好多款，但都好清晰咁樣印晒係呢個紙板上面。食物有好多得意既配搭，例如芒果軟殼蟹卷、鴨肉饅頭等等，有好多我都幾有興趣架。不過兩個人試唔到咁多，今次試住兩樣先啦。Dark Choco $68首先叫咗一杯特飲，朱古力怪飲朱古力係理所當然既事lol上網睇既時候見到好多人叫呢杯嘢，我都已經立志一定要是黎試呢杯超級朱古力。果然真係滿到瀉，所以店員係杯下面都會連埋隻碟一齊俾你。滿滿既朱古力加埋上面厚厚既忌廉、朱古力醬、碎朱古力等等，好吸睛。飲落口有超濃既朱古力味，唔係好似出面啲朱古力加冰畀你，越飲越淡，最後變左水咁既味。濃濃既朱古力背後散發住淡淡既香蕉味，
發現呢間Lab 66都好似幾多好評，但價錢又唔算好平，而且位置都唔係坐落於旺角既中心，咁點解都會咁多人去食呢？
我決定要親身去探究一下。
原來改名叫Lab 66係有原因，因為餐廳既裝修真係好似模仿緊一個實驗室咁樣，工業味濃。牆身上有類似水喉水管嘅裝飾，都幾特別。
原來呢間餐廳既面積都幾大，係有兩層架，我六點幾過到黎，都未到最繁忙既晚飯時間，就已經坐到半滿了，睇來呢間店真係有佢既吸引力。
食物唔算好多款，但都好清晰咁樣印晒係呢個紙板上面。
食物有好多得意既配搭，例如芒果軟殼蟹卷、鴨肉饅頭等等，有好多我都幾有興趣架。
不過兩個人試唔到咁多，今次試住兩樣先啦。
Dark Choco $68
Dark Choco
$68
36 views
0 likes
0 comments
上網睇既時候見到好多人叫呢杯嘢，我都已經立志一定要是黎試呢杯超級朱古力。
果然真係滿到瀉，所以店員係杯下面都會連埋隻碟一齊俾你。
滿滿既朱古力加埋上面厚厚既忌廉、朱古力醬、碎朱古力等等，好吸睛。
飲落口有超濃既朱古力味，唔係好似出面啲朱古力加冰畀你，越飲越淡，最後變左水咁既味。
濃濃既朱古力背後散發住淡淡既香蕉味，成件事好匹配。
鑊仔廣島蠔餅 $78
鑊仔廣島蠔餅
$78
82 views
0 likes
0 comments
鑊仔廣島蠔餅
$78
44 views
0 likes
0 comments
上台時仲係熱辣辣，聽到啲油聲彈下彈下，完全係即叫即整好新鮮。
其實叫呢個蠔餅都有原因既，因為我本身真係好鍾意食蠔餅XD。
但係除左去廟街或者一啲打冷既舖頭，平時基本上都好少機會食到，所以一見到當然要叫啦。
呢個蠔餅比起打冷食到既蠔餅一啲都唔輸蝕，蠔量好多，又唔會太厚咬落去成口粉。
味道適中，唔會過咸，而且啲蠔仔仲有淡淡海鮮甜味添！
芒果軟殼蟹卷 $88
芒果軟殼蟹卷
$88
34 views
0 likes
0 comments
外面包住個層餅皮，同KFC食嗰個炸雞卷既餅皮一樣，呢個稍為厚啲啲，入面包住既餡料就冇咁容易跌出黎。
卷物入面有芒果、沙律菜、軟殼蟹等等。
味道好清新，因為餅皮本身無味，咁就唔會搶左餡料既味道。
芒果一啲都唔酸，不過沙律菜偏多，軟殼蟹又偏細隻，所以有少少變左得芒果一個主角咁樣。
Post
