Video
Read full review
2023-05-02
901 views
【沙田區】【湯户方】同同事周圍食之旅去到第七站，今次居然係返到我成長嘅其中一個地方：大圍。估唔到原來同事同呢個地方都有淵源，唔講真係唔知呀。出嚟做嘢有時同啲同事未必傾得咁深入，但係透過呢啲事真係可以互相了解多啲嘅。再講就以為我性取向轉變，講咗小食先，首先係 $28 嘅「陳醋雲耳青瓜」，作為餐前小食佢係新鮮自製嘅，所以食落都特別清新。「滷水拼盤」就 $30 有滷蛋、雞翼、豆乾，唔算好鹹亦都唔膩，大家食得幾舒服同開心。之後到主菜「砵仔蒸飯」，我同同事 share 食「梅菜蒸肉餅飯」同「金針雲耳蒸雞飯」，都係 $35 嘅價錢，我覺得味道都唔錯，最令我驚喜嘅係啲白飯，唔多好飯嘅我都覺得質感唔錯。原來佢係逐個原砵落去蒸，唔怪得。食飯之餘梗係飲埋「滋補燉湯」，賣 $69 嘅「雲腿菜乾雞爪燉豬肺」極足料，飲落啲味道好厚實。而另外一碗係 $65 嘅「原個椰皇燉雞」，一飲落去發覺勁甜，原來老細識人喺果欄直接攞啲大椰皇嚟燉，唔用椰子，仲出味。唔止蒸飯同燉湯，原來仲有「滋潤糖水」，我哋先食熱「燕窩椰皇鮮奶燉蛋白」後食熱「桂圓紅棗杞子燉桃膠」，都係 $49，不過我食完前者先，甜度高過後者，所以導致後者淡咗啲，
再講就以為我性取向轉變，講咗小食先，首先係 $28 嘅「陳醋雲耳青瓜」，作為餐前小食佢係新鮮自製嘅，所以食落都特別清新。「滷水拼盤」就 $30 有滷蛋、雞翼、豆乾，唔算好鹹亦都唔膩，大家食得幾舒服同開心。
之後到主菜「砵仔蒸飯」，我同同事 share 食「梅菜蒸肉餅飯」同「金針雲耳蒸雞飯」，都係 $35 嘅價錢，我覺得味道都唔錯，最令我驚喜嘅係啲白飯，唔多好飯嘅我都覺得質感唔錯。原來佢係逐個原砵落去蒸，唔怪得。
食飯之餘梗係飲埋「滋補燉湯」，賣 $69 嘅「雲腿菜乾雞爪燉豬肺」極足料，飲落啲味道好厚實。而另外一碗係 $65 嘅「原個椰皇燉雞」，一飲落去發覺勁甜，原來老細識人喺果欄直接攞啲大椰皇嚟燉，唔用椰子，仲出味。
唔止蒸飯同燉湯，原來仲有「滋潤糖水」，我哋先食熱「燕窩椰皇鮮奶燉蛋白」後食熱「桂圓紅棗杞子燉桃膠」，都係 $49，不過我食完前者先，甜度高過後者，所以導致後者淡咗啲，如果就咁食一碗，兩者都係滋潤嘅選擇。
講咗咁耐食咗咁多嘢，完全冇提過要飲嘢，大家就知呢度啲食物有味得嚟又唔會鹹到要飲水，幾好。不過見有嘢飲都講吓，我飲咗枝 $18 嘅「檸檬薏米水」，有助去濕、清熱同排毒美顏，有埋冰糖味，甜甜哋幾易入口，唔錯。
嘢食就講完，講吓佢個位置，佢係喺大圍油站馬會投注站對面，由火車站行過去一條直路都幾方便。而服務方面，侍應都幾細心，見我哋食飯吹水冇嘢飲都主動拎兩杯水出嚟，細心程度甚至好過好多聲稱以服務為先嘅女僕餐廳。。。
（地址：大圍積德里12號地舖）
#1amfoodie #foodie #hkfoodie #thatfoodiething #hkfood #food #foodlover #delicious #globaleats #tastyfood #dessert #foodpics #followforfollowback #love #eat #1am沙田區 #大圍 #湯户方 #陳醋雲耳青瓜 #滷水拼盤 #砵仔蒸飯 #梅菜蒸肉餅飯 #金針雲耳蒸雞飯 #雲腿菜乾雞爪燉豬肺 #原個椰皇燉雞 #燕窩椰皇鮮奶燉蛋白 #桂圓紅棗杞子燉桃膠 #檸檬薏米水 #1am0774 #1ambackup
34 views
0 likes
0 comments
Post
