Steak Bar (Closed)

銅鑼灣登龍街出名多野食，今次就黎到一間出名食牛扒嘅日式餐廳《Steak Bar》，見到餐廳做緊2人餐($499)，睇落份量十足，就決定叫黎試試👀◦ 吉列炸牛扒定食呢份吉列炸牛扒上菜個陣賣相已經好吸引😍，店員建議我地用每面各燒30秒後可以做到5成熟左右😛由於預先用吉列炸過，牛扒肉汁完美鎖住，食落口感做到外脆內軟，配埋日式醬汁，味道都幾出色，而且份量都幾足，十分推介‼️👍🏻◦ 香煎比目魚定食大大塊嘅比目魚塊一上菜已經聞到油脂香味🤣，魚肉煎嘅火喉啱啱好，魚肉煎到金黃色，配上檸檬汁之後，食落肉質新鮮嫩滑，肥而不膩都幾滿意，估唔到一間食牛扒嘅餐廳煎魚都做到咁出色，不妨一試😋◦ 石燒牛舌定食薄切牛舌經過石燒之後，口感相當嫩滑爽口，而且因為切得薄都幾易入口，唔錯唔錯😝◦ 小食章魚小丸子都幾大粒，食落唔會好粉，口感幾綿滑🥰另外黑松露薯條如果可以多番少少黑松露粉就更好啦🤣總括而言，餐廳食物都幾有日本風味，價錢唔會好貴，十分推介吉列炸牛扒定食，另外餐廳侍應都幾nice📍Steak Bar地址:銅鑼灣登龍街36-48號登輝大廈G/F B舖