老巴剎廚房 (Closed)

【灣仔區】【老巴刹廚房】上一篇講到我同一位認識咗十五年嘅朋友喺沙田食飯，今次都係同佢食，難得佢有 coupon 用，所以就黐佢餐，去呢啲高級地方食飯。訂位嗰陣話 full 晒，點知之後又收到餐廳打電話嚟話有枱喎，有機會就梗係狗衝去啦。我仲喺訂枱嗰陣問埋呢間餐廳有冇 dress code 先去，因為我當刻係著咗短褲嘅。好彩餐廳話佢哋冇 dress code 咋，唔係我都係食唔到。間嘢其實位置都方便，後街牛扒嗰頭，地舖嚟，非常容易搵，我都唔需要睇地圖就到達喇。首先我哋食 $450 嘅「原隻去骨海南鮮雞半隻配香草砂鍋飯」，雞係新鮮雞嚟，勁滑勁好食，食到我哋好興奮。而個飯都好好，用煲仔飯方法整，侍應會幫手整飯焦同埋「裝飯」，攪到一向都係「自己嚟」嘅我哋都手足無措。個飯咁香咁好食，就叫多個餸，叫咗 $400 嘅「白咖喱牛坑腩」，好味喎，個牛坑腩真係十分正，仲有幾舊半筋半腩，掂。我哋冇要到「小食」腰果但有飲 $76 兩位嘅「中國茗茶」壽眉，都好飲，夾埋就 $1011 喇，係值嘅。。。（地址：灣仔交加里32-38號地舖）#1amfoodie #foodie #hkfoodie #thatfoodie