Video
Read full review
2022-07-17
561 views
本身係想去食蒙麵，但點知休息（地獄黑仔王）🥲 好彩我有Plan B，就行咗十分鐘到去喜喜麵館。佢係喺黃埔同土瓜灣中間，一條巷仔，雖然偏僻但條巷仔勁多餐廳！食物份量十足，味道有質素，價錢都恰宜，觀察下衛生都ok，檯面同餐具都唔會痴立立油立立，上菜速度好快☺️🥢 喇沙(+$6) 油麵 ($15) 芫茜 蔥花 炸蒜 ▪️柱候牛腩 ($10) ▫️蜆 ($10) ▪️生菜 ($7) ▫️清甜蘿蔔 ($7)我對我碗車仔麵非常滿意💛 冇一樣野需要彈😝 就特別講講要讚嘅野，首先最滿意係佢嘅份量——巨多☺️ 牛腩夠大舊，而且夠多，能滿足一個小食肉獸，我食得太開心冇細數，但起碼有5-6舊，牛腩都煮得夠腍夠味！蜆有5隻，我覺得算唔錯，過下口癮😋 但我最中意都係個白蘿蔔，真係超！清！甜！其實我以前唔食白蘿蔔（都唔太中意食車仔麵，大個後食嘅次數喺5-10次內）後來食咗一次覺得唔錯，今次就叫嚟試下，就有點愛上佢了🥹 好大舊好腍好甜，必食！至於喇沙湯底都唔錯，微辣開胃惹味有椰香甜甜地，但就未至於令我會專登飲啲湯（不過都好難架！）油麵煮得啱啱好，唔會太腍，份量適中，掛湯能力ok！食完成個麵啱啱好，好滿足！唯一係菜方面少咗啲，叫
本身係想去食蒙麵，但點知休息（地獄黑仔王）🥲 好彩我有Plan B，就行咗十分鐘到去喜喜麵館。佢係喺黃埔同土瓜灣中間，一條巷仔，雖然偏僻但條巷仔勁多餐廳！食物份量十足，味道有質素，價錢都恰宜，觀察下衛生都ok，檯面同餐具都唔會痴立立油立立，上菜速度好快☺️
🥢 喇沙(+$6) 油麵 ($15) 芫茜 蔥花 炸蒜
▪️柱候牛腩 ($10) ▫️蜆 ($10) ▪️生菜 ($7) ▫️清甜蘿蔔 ($7)
我對我碗車仔麵非常滿意💛 冇一樣野需要彈😝 就特別講講要讚嘅野，首先最滿意係佢嘅份量——巨多☺️
牛腩夠大舊，而且夠多，能滿足一個小食肉獸，我食得太開心冇細數，但起碼有5-6舊，牛腩都煮得夠腍夠味！蜆有5隻，我覺得算唔錯，過下口癮😋
但我最中意都係個白蘿蔔，真係超！清！甜！其實我以前唔食白蘿蔔（都唔太中意食車仔麵，大個後食嘅次數喺5-10次內）後來食咗一次覺得唔錯，今次就叫嚟試下，就有點愛上佢了🥹 好大舊好腍好甜，必食！
至於喇沙湯底都唔錯，微辣開胃惹味有椰香甜甜地，但就未至於令我會專登飲啲湯（不過都好難架！）油麵煮得啱啱好，唔會太腍，份量適中，掛湯能力ok！食完成個麵啱啱好，好滿足！唯一係菜方面少咗啲，叫個餸好似抵啲😂
🥢 魚湯 (+$3) 油麵 ($15) 蔥花
▪️咖喱魷魚 ($10) ▫️墨魚丸 ($7) ▪️牛丸 ($7) ▫️溏心滷水蛋 ($7) ▪️芽菜 ($7)
男朋友叫嘅我當然都有偷嚟食🤪 我最欣賞係啲魷魚，必！叫！下次嚟食（一定有下次）我都一定會叫埋魷魚，都一樣係好大舊，夠爽，咖喱味濃，比較辣少少🤏🏻
墨魚丸同牛丸冇乜特別，都係丸，不過不失～芽菜份量尚可，比生菜多少少🤏🏻 如果過唯一失望，但都意料之外嘅就係溏心滷水蛋——er…溏心咗喺邊🤥 不過一開頭我同男朋友睇menu都話要滷又要溏心好難喎，都冇乜期望😂
29 views
0 likes
0 comments
26 views
0 likes
0 comments
15 views
0 likes
0 comments
9 views
0 likes
0 comments
7 views
0 likes
0 comments
Post
